تۇركىستاندا قازاقستان رەسپۋبليكاسىنىڭ كونستيتۋسيا كۇنىنە ارنالعان «ايبارى مىقتى – اتا زاڭ» ءىس-شاراسى ءوتتى. سالتاناتتى جيىنعا وبلىس اكىمى دارحان ساتىبالدى ارنايى قاتىسىپ، ءوڭىردىڭ جەتىستىكتەرى تۋرالى بايانداما جاسادى. سونىمەن قاتار تۇرعىنداردى مەرەكەمەن قۇتتىقتادى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
– سىزدەردى ەلىمىزدىڭ ماڭىزدى مەرەكەسى – كونستيتۋسيا كۇنىمەن قۇتتىقتايمىن! بۇل مەرەكە – دەربەستىگىمىز بەن دارالىعىمىزدىڭ ايعاعى، ەلدىگىمىز بەن ەرلىگىمىزدىڭ بايراعى. مەملەكەتتىگىمىزدىڭ كەشەگىسى مەن كەلەشەگىنىڭ كەپىلى. مەملەكەت باسشىسى قاسىم-جومارت توقايەۆتىڭ تىكەلەي قولداۋىمەن وڭىردە اۋقىمدى جوبالار قولعا الىندى. وسى ماڭىزدى ىستەردى اتقارۋعا ۇلەس قوسىپ جۇرگەن بارشاڭىزعا العىسىمدى بىلدىرەمىن. وبلىس تۇرعىندارىنىڭ 80 پايىزى اۋىلدى ەلدى مەكەندەردە تۇرادى جانە اۋىلدى جەرلەردى قاجەتتى ينفراقۇرىلىممەن قامتۋ – باستى باعىتىمىزدىڭ ءبىرى. ەلىمىز بۇدان ءارى دامۋى ءۇشىن ءاربىر ازامات اتا زاڭىمىزدىڭ ۇستانىمىن قاتاڭ ساقتاي وتىرىپ، ەڭبەك ەتە ءبىلۋى ءتيىس. بۇل رەتتە، «ەڭبەك ادامى» بەينەسىن ناسيحاتتاۋ بولاشاق ۇرپاق ءۇشىن تاپتىرماس ۇلگى بولارى حاق. اتا زاڭدى ارداق تۇتقان ونەگەلى ەلىمىز وركەندەي بەرسىن! – دەدى وبلىس اكىمى.
«كونگرەسس حولل» كوپسالالى كەشەنىندە وتكەن ءىس-شارادا ءوڭىر باسشىسى ءبىرقاتار ازاماتتاردى ماراپاتتادى. «قۇرمەت» جانە ءىىى دارەجەلى «ەڭبەك داڭقى» وردەنى، «ەرەن ەڭبەگى ءۇشىن» مەدالى سىندى مەملەكەتتىك ناگرادالارىن تابىستادى. سونىمەن قاتار وبلىستىڭ قۇرمەتتى ازاماتى اتاعىن تاپسىردى. ونىڭ ىشىندە قوعام قايراتكەرى، تۇركىستان وبلىسىنىڭ بۇرىنعى اكىمى ءومىرزاق شوكەيەۆ، قازاقستان مۇسىلماندارى ءدىني باسقارماسىنىڭ تۇڭعىش ءتوراعاسى، قۇرمەتتى مۋفتي راتبەك قاجى جانە مەملەكەتتىك جانە قوعامدىق قىزمەتتە ەڭبەك سىڭىرگەن، ءوڭىردىڭ الەۋمەتتىك-ەكونوميكالىق دامۋىنا ەلەۋلى ۇلەس قوسقان ازاماتتار بار.
سالتاناتتى جيىن ءارى قاراي كونسەرتتىك باعدارلاماعا ۇلاستى. وندا قازاقستاننىڭ ەڭبەك سىڭىرگەن ءارتىسى نۇرلان ونەربايەۆ، ەسترادا جۇلدىزى ايدار تۇرعامبەك، «سۇگىر» اتىنداعى قازاق-ۇلت اسپاپتار وركەسترى، ق ر مادەنيەت قايراتكەرى ايجان تاجەنوۆا، «Turan Boys» توبى، رۋسلان احىمبەكوۆ، ايزادا اسىلحان، ماحمۋد ۋريمبايەۆ، سۇلتان بەكمىرزا، ساندىبەك امانوۆ، گۇلزينا جاقسىلىق،«فاراب» جانە «بيسۇلتان» بي ءانسامبلى، «Jana lep!» ونەر ۇجىمى، «اكا» بالالار شىعارماشىلىق ورتالىعى ونەر كورسەتتى.
