Sybailas jemqorlyqqa qarsy is-qimyl agenttiginiń Departamenti «Atameken», «Qazyǵurt», «Qaplanbek» jáne «Qonysbaev» keden beketterinde kóshpeli kezdesýler ótkizdi,- dep habarlaidy Dalanews.kz
Kezdesýlerge syrtqy ekonomikalyq qyzmet ókilderi, quqyq qorǵaý organdary, jergilikti atqarýshy jáne ýákiletti memlekettik organdar qatysty.
Kezdesýler barysynda ákimshilik kedergilerdi joiýǵa, sybailas jemqorlyq táýekelderin azaitýǵa, shekaradaǵy tranzittik áleýetti arttyrýǵa jáne kólik quraldarynyń jinalýy sekildi máselelerdi sheshýge, sonyń ishinde jańǵyrtylyp jatqan keden beketterinde týyndaityn máselelerge basa nazar aýdaryldy.
Sybailas jemqorlyqqa qarsy mańyzdy sharalardyń biri — júrgizýshilerdi barlyq baqylaýshy organdardyń mórin jinaýǵa mindetteitin, biraq naqty qajettilik bolmaǵan jaǵdaida da qoldanylǵan qaǵaz túrindegi «júgirý qaǵazy» (t.s.s. «begýnok») dep atalatyn talondy joiý boldy. Bul shara biýrokratiiany azaityp, teris paidalaný múmkindigin tómendetýge múmkindik beredi.
Keńeske qatysýshylar keden rásimderin tsifrlandyrý, keden beketterin jańǵyrtý, kedendik baqylaýdy ońtailandyrý jáne tasymaldaýshylardyń yńǵailylyǵy úshin jańa servisterdi engizý máselelerin talqylady. Atap aitqanda, keden beketterinde «Qazposhta» AQ kassalary iske qosylyp, ol arqyly aiyppuldardy resmi túrde tóleýge múmkindik berildi. Bul deldaldardyń aralasýyn boldyrmaýǵa jáne beiresmi aqsha jinaý táýekelin edáýir azaitýǵa yqpal etti.
Sybailas jemqorlyqqa qarsy qyzmet departamentiniń basshysy M.Tóleýbaev keden qyzmetkerleri aldynda sóilegen sózinde «Zań jáne tártip» qaǵidattary men sybailas jemqorlyqqa nóldik tózimdilik saiasatyn ustanýdyń mańyzdylyǵyn atap ótti.
Kezdesý barysynda qatysýshylarǵa keden salasyndaǵy sybailas jemqorlyq táýekelderine syrtqy taldaý júrgizilip jatqany týraly da habarlandy. Taldaý qorytyndysy boiynsha memlekettik organdarǵa sybailas jemqorlyqqa qarsy tetikterdi kúsheitý jóninde usynystar joldanatyn bolady.
