سىبايلاس جەمقورلىققا قارسى ٸس-قيمىل اگەنتتٸگٸنٸڭ دەپارتامەنتٸ «اتامەكەن», «قازىعۇرت», «قاپلانبەك» جەنە «قونىسباەۆ» كەدەن بەكەتتەرٸندە كٶشپەلٸ كەزدەسۋلەر ٶتكٸزدٸ,- دەپ حابارلايدى Dalanews.kz
كەزدەسۋلەرگە سىرتقى ەكونوميكالىق قىزمەت ٶكٸلدەرٸ, قۇقىق قورعاۋ ورگاندارى, جەرگٸلٸكتٸ اتقارۋشى جەنە ۋەكٸلەتتٸ مەملەكەتتٸك ورگاندار قاتىستى.
كەزدەسۋلەر بارىسىندا ەكٸمشٸلٸك كەدەرگٸلەردٸ جويۋعا, سىبايلاس جەمقورلىق تەۋەكەلدەرٸن ازايتۋعا, شەكاراداعى ترانزيتتٸك ەلەۋەتتٸ ارتتىرۋعا جەنە كٶلٸك قۇرالدارىنىڭ جينالۋى سەكٸلدٸ مەسەلەلەردٸ شەشۋگە, سونىڭ ٸشٸندە جاڭعىرتىلىپ جاتقان كەدەن بەكەتتەرٸندە تۋىندايتىن مەسەلەلەرگە باسا نازار اۋدارىلدى.
سىبايلاس جەمقورلىققا قارسى ماڭىزدى شارالاردىڭ بٸرٸ — جٷرگٸزۋشٸلەردٸ بارلىق باقىلاۋشى ورگانداردىڭ مٶرٸن جيناۋعا مٸندەتتەيتٸن, بٸراق ناقتى قاجەتتٸلٸك بولماعان جاعدايدا دا قولدانىلعان قاعاز تٷرٸندەگٸ «جٷگٸرۋ قاعازى» (ت.س.س. «بەگۋنوك») دەپ اتالاتىن تالوندى جويۋ بولدى. بۇل شارا بيۋروكراتييانى ازايتىپ, تەرٸس پايدالانۋ مٷمكٸندٸگٸن تٶمەندەتۋگە مٷمكٸندٸك بەرەدٸ.
كەڭەسكە قاتىسۋشىلار كەدەن رەسٸمدەرٸن تسيفرلاندىرۋ, كەدەن بەكەتتەرٸن جاڭعىرتۋ, كەدەندٸك باقىلاۋدى وڭتايلاندىرۋ جەنە تاسىمالداۋشىلاردىڭ ىڭعايلىلىعى ٷشٸن جاڭا سەرۆيستەردٸ ەنگٸزۋ مەسەلەلەرٸن تالقىلادى. اتاپ ايتقاندا, كەدەن بەكەتتەرٸندە «قازپوشتا» اق كاسسالارى ٸسكە قوسىلىپ, ول ارقىلى ايىپپۇلداردى رەسمي تٷردە تٶلەۋگە مٷمكٸندٸك بەرٸلدٸ. بۇل دەلدالداردىڭ ارالاسۋىن بولدىرماۋعا جەنە بەيرەسمي اقشا جيناۋ تەۋەكەلٸن ەدەۋٸر ازايتۋعا ىقپال ەتتٸ.
سىبايلاس جەمقورلىققا قارسى قىزمەت دەپارتامەنتٸنٸڭ باسشىسى م.تٶلەۋباەۆ كەدەن قىزمەتكەرلەرٸ الدىندا سٶيلەگەن سٶزٸندە «زاڭ جەنە تەرتٸپ» قاعيداتتارى مەن سىبايلاس جەمقورلىققا نٶلدٸك تٶزٸمدٸلٸك ساياساتىن ۇستانۋدىڭ ماڭىزدىلىعىن اتاپ ٶتتٸ.
كەزدەسۋ بارىسىندا قاتىسۋشىلارعا كەدەن سالاسىنداعى سىبايلاس جەمقورلىق تەۋەكەلدەرٸنە سىرتقى تالداۋ جٷرگٸزٸلٸپ جاتقانى تۋرالى دا حابارلاندى. تالداۋ قورىتىندىسى بويىنشا مەملەكەتتٸك ورگاندارعا سىبايلاس جەمقورلىققا قارسى تەتٸكتەردٸ كٷشەيتۋ جٶنٸندە ۇسىنىستار جولداناتىن بولادى.
