Búginde Túrkistandaǵy «ASIA BREND» jihaz kompaniiasy jylyna 22000 dana jihaz shyǵarýǵa qaýqarly. Jyldyq qarjylyq ainalymy – 1,1 mlrd teńge. Kásiporynda 150 adam jumyspen qamtylǵan.
Zamanaýi úlgidegi tehnologiialar qoldanylatyn kásiporynnyń jihazdaryna óz elimizben qatar kórshiles memleketterden de suranys bar. Oblys ákimi kásipkerge jobanyń qýattylyǵyn arttyryp, esksportqa jumys isteý qajettigin aitty.
Óńir basshysy qalany aralaý barysynda óz úiiniń irgesinen balyq sharýashylyǵyn damytyp otyrǵan «Nurjan» jeke kásipkerliginde boldy. Kásipker Nurjan Eleýsizovtiń aitýynsha, joba tolyq qýatymen júzege assa, jylyna 4-5 tonna balyq óndire alady. Degenmen sharýashylyǵyn keńeitý úshin memlekettik qoldaý, qosymsha qarjy qajet. Oblys ákimi turǵynnyń ótinishi boiynsha qoldaý kórsetiletinin aitty.
– Balyq sharýashylyǵy tabysty ári tiimdi. Sondyqtan «Aýyl amanaty» jobasyna qosylǵan aýyl okrýgterinde osy salany úiretip, jeńildetilgen nesieni bergen jón. Ár otbasy osy kásippen ainalysyp, taybysyn arttyrsa, jumyssyzdyq máselesi de sheshiledi. Jaýapty basqarma, aýdan, qala ákimdikteri osyndai sharýashylyqtarǵa qoldaý kórsetýi tiis, – dedi oblys ákimi.
Darhan Satybaldy osy kúni «Ideal Turkestan» JShS-niń áleýetimen tanysty. Jihaz zaýytynda 50 adam jumyspen qamtylǵan. Búginde kásiporynnyń ónimderine suranys bar. Kezdesýde kásipkerlikke qoldaý kórsetý, memlekettik baǵdarlamalardy tiimdi qoldaný, óndiristi jandandyrý baǵytynda usynys-pikirler tyńdaldy.
Túrkistan óńiriniń jihaz shyǵarý salasyndaǵy áleýetin joǵary baǵalaǵan oblys ákimi bul baǵyttaǵy jobalardy jetildire túsý, eksportty ulǵaitý mańyzdy ekenin, osyǵan qatysty usynystar qaralatynyn jetkizdi.
