Osy oraıda Túrkistan qalasy Esimhan alańynda Túrkistan oblysynda memleket tarapynan qoldaý alǵan taýar óndirýshi kásiporyndar jobalarynyń kórmesi bolyp ótti.
Osynaý sharaǵa oblys ákiminiń orynbasary Erbol Tasjúrekov qatysyp, oblysymyzda óndirilgen biregeı ónimdermen tanysty.
Atalǵan kórmeniń maqsaty — Túrkistan óńirindegi tutyný naryǵyn barynsha damytyp, olarǵa qoldaý kórsetý, halyq tutynatyn suranystaǵy taýarlarǵa demonstrasıa jasaý jáne de olardy satý. Keń aýqymdy sharaǵa aımaqtaǵy 100-den astam kásiporyn qatysyp, óz ónimderimen tanys etti.
Kórme barysynda oblys ákiminiń orynbasary E.Tasjúrekov jármeńkege qatysqan eń úzdik kásipkerlerdi oblys ákiminiń Alǵys hatymen marapattap, kasipkerlerdiń jumysyna tabys tiledi.
"Mundaı sharalar aldaǵy ýaqytta da jalǵasyn tabatyn bolady. Otandyq óndirýshilerdi qoldaý ekonomıkany damytýdyń birden-bir tetigi" – dedi ol.
Kórmege kelýshilerge azyq-túlik, ónerkásiptik taýarlardyń keń assortımenti usynylyp, ónerpazdar men anımatorlardyń qatysýymen konserttik baǵdarlama uıymdastyryldy. Sonymen birge, qonaqtar arnaıy uıymdastyrylǵan 500 adamǵa laıyqtalǵan palaý taǵamynan dám tatty.*
