وسى ورايدا تۇركىستان قالاسى ەسىمحان الاڭىندا تۇركىستان وبلىسىندا مەملەكەت تاراپىنان قولداۋ العان تاۋار ءوندىرۋشى كاسىپورىندار جوبالارىنىڭ كورمەسى بولىپ ءوتتى.
وسىناۋ شاراعا وبلىس اكىمىنىڭ ورىنباسارى ەربول تاسجۇرەكوۆ قاتىسىپ، وبلىسىمىزدا وندىرىلگەن بىرەگەي ونىمدەرمەن تانىستى.
اتالعان كورمەنىڭ ماقساتى — تۇركىستان وڭىرىندەگى تۇتىنۋ نارىعىن بارىنشا دامىتىپ، ولارعا قولداۋ كورسەتۋ، حالىق تۇتىناتىن سۇرانىستاعى تاۋارلارعا دەمونستراسيا جاساۋ جانە دە ولاردى ساتۋ. كەڭ اۋقىمدى شاراعا ايماقتاعى 100-دەن استام كاسىپورىن قاتىسىپ، ءوز ونىمدەرىمەن تانىس ەتتى.
كورمە بارىسىندا وبلىس اكىمىنىڭ ورىنباسارى ە.تاسجۇرەكوۆ جارمەڭكەگە قاتىسقان ەڭ ۇزدىك كاسىپكەرلەردى وبلىس اكىمىنىڭ العىس حاتىمەن ماراپاتتاپ، كاسىپكەرلەردىڭ جۇمىسىنا تابىس تىلەدى.
"مۇنداي شارالار الداعى ۋاقىتتا دا جالعاسىن تاباتىن بولادى. وتاندىق وندىرۋشىلەردى قولداۋ ەكونوميكانى دامىتۋدىڭ بىردەن-بىر تەتىگى" – دەدى ول.
كورمەگە كەلۋشىلەرگە ازىق-تۇلىك، ونەركاسىپتىك تاۋارلاردىڭ كەڭ اسسورتيمەنتى ۇسىنىلىپ، ونەرپازدار مەن انيماتورلاردىڭ قاتىسۋىمەن كونسەرتتىك باعدارلاما ۇيىمداستىرىلدى. سونىمەن بىرگە، قوناقتار ارنايى ۇيىمداستىرىلعان 500 ادامعا لايىقتالعان پالاۋ تاعامىنان ءدام تاتتى.*
