Túrkistanda jemqorlyqtyń aldyn alýǵa qatysty jiyn ótti
Kezdesýge qatysqan QR Sybailas jemqorlyqqa qarsy is-qimyl agenttiginiń Túrkistan oblysy boiynsha departament basshysynyń birinshi orynbasary Ǵanijan Asanuly qoǵam arasynda adaldyq, parasattylyq, ádildik jáne senim qundylyqtaryn basshylyqqa alyp ómir súrý – sybailas jemqorlyq táýekelderiniń aldyn alýdyń mańyzdy quraly ekenin atap ótti.
150-ge jýyq qyzmetkerler qatysqan kezdesýde áleýmettik salalarda, onyń ishinde kóp balaly otbasylarǵa járdemaqyny belgileý, jer ýchaskileriniń nysanaly maqsatyn ózgertý men mektepterde zańsyz aqsha jinaý týraly aqparattar departamenttiń «WhatsApp» jelisindegi senim telefonyna kóptep kelip túsip jatqandyǵy aityldy.
Kemshilikterdiń júieliligine bailanysty, departamenttiń bastamasymen atalǵan salalarda sybailas jemqorlyq táýekelderine syrtqy taldaý júrgiziletini jetkizildi.
Sondai-aq, tekserý jumystaryn júrgizýge barǵan qyzmetkerlerge syilyq berýge jáne qyzmet kórsetýge bolmaitynyn qatań eskertip, zańbuzýshylyqqa jol bergender jaýapkershilikke tartylatynyn tilge tiek etti.
Jiyndy qorytyndylaǵan Ǵ.Asanuly memlekettik qyzmetshilerdi senip tapsyrylǵan mindetti joǵary abyroimen atqarýǵa úndep, óz is-áreketterimen kieli óńir atyna kir keltirmeýge shaqyrdy.
Shara sońynda qatysýshylardyń qoǵamdyq sanasyna áser etý quraly retinde oblysta, onyń ishinde Túrkistan qalasynda oryn alǵan sybailas jemqorlyq faktileri boiynsha arnaiy ázirlengen beinerolik kórsetildi.
