Túrkistanda «Jaily mektep» jobasy aiasynda taǵy bir mektep ashyldy. 2 myń oqýshyǵa arnalǵan bilim uiasy «Jańa qala» yqshamaýdanynda boi kóterdi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Munda balalardyń sapaly bilim alýyna barlyq jaǵdai jasalǵan.
Qasym-Jomart Toqaevtyń tapsyrmasymen salynǵan bilim uiasynyń ashylý saltanatyna Túrkistan oblysynyń ákimi Darhan Satybaldy men bilim salasynyń ardagerleri qatysty.
– Elimizdiń bolashaǵy – bilimdi urpaqtyń qolynda. Memleket basshysynyń bastamasymen búgingi tańda elimizde «Jaily mektep» ulttyq jobasy qabyldanyp, zamanaýi, ozyq úlgidegi bilim oshaqtary salynýda. Bul bastama apatty jáne úsh aýysymdyq mektepter máselesin sheship, oqýshy oryndarynyń tapshylyǵyn joiady. Sizderdiń mektepterińiz jai ǵana jańa ǵimarat emes. Bul – damý men oqý úshin tamasha jaǵdailar jasalǵan oryn. Jańa bilim ordasynyń ashylýy qutty bolsyn! – dedi Darhan Satybaldy.
Joǵary jyldamdyqtaǵy internetke qosylǵan. Bastaýysh pen joǵary synyp oqýshylary jekelegen bloktarda oqidy. Balalardyń jas ereksheligine orai bloktardyń árqaisysy oqý synyptarymen, sanitarlyq toraptarmen, sport zaldarymen jáne jeke shkaftarmen qamtylǵan.
Aita keteiik, elimizde «Jaily mektepterdiń» basym bóligi Túrkistan oblysynda salynýda. Qazir óńirde 29 mekteptiń qurylysy júrgizilip jatyr. Onyń úsheýi ashylyp úlgerdi.
