Túrkistanda zamanaýi úlgidegi jańa «Jastar» saiabaǵy paidalanýǵa berildi. Saiabaqtyń ashylý saltanatyna oblys ákimi Darhan Satybaldy qatysyp, qala turǵyndary men qonaqtaryn alda kele jatqan elimizdiń Táýelsizdik kúni merekesimen quttyqtady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Sizderdi Táýelsizdik kúnimen shyn júrekten quttyqtaimyn! Ózderińizge málim, osydan 6 jyl buryn jańa Túrkistan oblysy quryldy. Búginde Túrkistan tek oblys ortalyǵy retinde ǵana emes, túrki áleminiń rýhani mádeni ortalyǵy bolyp qalyptasty. Túrli nysandar boi kóterip, shyn mánindegi infraqurylymy qalyptasqan jańa sáýletti qalaǵa ainaldy.
Qalany abattandyrý jáne qala turǵyndary men qonaqtary úshin serýendeýge qolaily jaǵdai jasaý, sondai-aq Túrkistan qalasynda jasyl jelekter alqabyn ulǵaitý maqsatynda naqty jumystar atqarylýda. Ózderińizben birge «Jastar» saiabaǵy kesheniniń ashylý saltanatynyń kýási bolyp otyrmyz. Bul jańa saiabaq qalaǵa qosymsha kórik berip, turǵyndarymyzdyń demalysyn jaqsy ótkizýge taptyrmas oryn bolary anyq. Biz halyq igiligine beriletin nysandardy kózimizdiń qarashyǵyndai saqtaýymyz kerek, – dedi oblys ákimi Darhan Satybaldy.
Sondai-aq, sharaǵa qala turǵyndary men elimizge tanymal óner juldyzdary – Madina Sádýaqasova, Ǵazizhan Shekerbekov, Mahmýd Ýrimbaev óner kórsetti.
Saiabaqtyń jalpy alańy – 10,5 ga. Demalys aimaǵynda skeitbord alańdary, shahmat klýby, ózge de oiyn alańdary, sonymen qatar, 2 shaqyrym júgirý joly jáne velojoldar qarastyrylǵan. Jabyq jylyjaida ártúrli qurlyqtan ákelingen ósimdikterdiń 70-ke jýyq túri ósiriledi. Olardyń ishinde Jerorta teńizi, Latyn Amerikasy, Eýropa, Ońtústik Shyǵys Aziia jáne taǵy basqa aimaqtardyń ósimdikteri bar. Palma, fikýs, tropikalyq, shól, sýbtropiktik, tsitrýs ósimdikterimen qamtylǵan. Sonymen qosa oqýshylarǵa biologiia sabaqtaryn ótý múmkindigi qarastyrylǵan. Saiabaqta qustar men balyqtar bar.
Aita keteiik, Túrkistan qalasynda 32 saiabaq, 32 skver men alleia, 15 jasyl alań men aimaq bar.
