"Turkistan" telearnasy jasandy intellekt arqyly alǵashqy qazaq mýltfilmin daiyndap shyǵardy, dep habarlaidy Dalanews.kz
Jańa animatsiialyq týyndy "Túrkistan saqshylary" dep atalady. Ideia avtory - telearna qyzmetkeri Ǵasyr Quralbaiuly.
Jasandy intellektpen jumys isteýdi jetik meńgergen maman mýltfilmniń birinshi seriiasyn 7 kúnde jasap shyqqan. Eń qyzyǵy – birinshi seriiaǵa bar bolǵany 70 myń teńge qarjy jumsalǵan.
Ǵasyrdyń aitýynsha, jasandy intellekt baǵdarlamasynyń aqyly nusqasyna jazylýǵa - 100 AQSh dollary, animatsiialyq filmniń saýndtregin jazdyrýǵa 20 myń teńge jumsalǵan.
Sondai-aq, ol mýltfilmniń kelesi seriialary daiyndalyp jatqanyn aitty. Sondai-aq, bolashaqta kinoteatrlarda kórsetiletin tolyqqandy kommertsialyq mýltfilm túsirýdi josparlap júrgenin aitty.
Film siýjeti qasietti qala Túrkistandy qaýip-qaterden qorǵap, balalardy adamgershilikke, mádeniettilikke tárbieleitin mifologiialyq keiipkerlerdiń áreketterinen quralǵan. Olar, Aqpanter – jyldam ári batyl barys, Altynqanat – bárin baiqaǵysh búrkit, Tasbatyr ata – ǵasyr jasaǵan aqylgói tasbaqa.
