"Turkistan" تەلەارناسى جاساندى ينتەللەكت ارقىلى العاشقى قازاق ءمۋلتفيلمىن دايىنداپ شىعاردى، دەپ حابارلايدى Dalanews.kz
جاڭا انيماسيالىق تۋىندى "تۇركىستان ساقشىلارى" دەپ اتالادى. يدەيا اۆتورى - تەلەارنا قىزمەتكەرى عاسىر قۇرالباي ۇلى.
جاساندى ينتەللەكتپەن جۇمىس ىستەۋدى جەتىك مەڭگەرگەن مامان ءمۋلتفيلمنىڭ ءبىرىنشى سەرياسىن 7 كۇندە جاساپ شىققان. ەڭ قىزىعى – ءبىرىنشى سەرياعا بار بولعانى 70 مىڭ تەڭگە قارجى جۇمسالعان.
عاسىردىڭ ايتۋىنشا، جاساندى ينتەللەكت باعدارلاماسىنىڭ اقىلى نۇسقاسىنا جازىلۋعا - 100 اقش دوللارى، انيماسيالىق ءفيلمنىڭ ساۋندترەگىن جازدىرۋعا 20 مىڭ تەڭگە جۇمسالعان.
سونداي-اق، ول ءمۋلتفيلمنىڭ كەلەسى سەريالارى دايىندالىپ جاتقانىن ايتتى. سونداي-اق، بولاشاقتا كينوتەاترلاردا كورسەتىلەتىن تولىققاندى كوممەرسيالىق مۋلتفيلم ءتۇسىرۋدى جوسپارلاپ جۇرگەنىن ايتتى.
فيلم سيۋجەتى قاسيەتتى قالا تۇركىستاندى قاۋىپ-قاتەردەن قورعاپ، بالالاردى ادامگەرشىلىككە، مادەنيەتتىلىككە تاربيەلەيتىن ميفولوگيالىق كەيىپكەرلەردىڭ ارەكەتتەرىنەن قۇرالعان. ولار، اقپانتەر – جىلدام ءارى باتىل بارىس، التىنقانات – ءبارىن بايقاعىش بۇركىت، تاسباتىر اتا – عاسىر جاساعان اقىلگوي تاسباقا.
