Aksıany uıymdastyrý barysynda jaýapty mekemelermen birge járdemge asa muqtaj 1300-deı azamattyń tizimin jasaqtadyq. Bul turǵyndarǵa antıseptıkalyq quraldar, medısınalyq maskalar jáne birinshi kezekte qajetti ónimder men azyq-túlik tapsyrylyp jatyr.
Partıanyń «Baqytty otbasy» jobasy boıynsha 889 adam, «Ardagerlerdi ardaqtaıyq» jobasy arqyly 206 adam al, «Kedergisiz keleshek» partıalyq jobasy boıynsha 161 adamǵa kómek kórsetiledi.
Az qamtamasyz etilgen otbasylarǵa azyq-túlik pen gıgıenalyq zattardy taratýǵa eriktiler, «Jas Otan» jastar qanatynyń jastary belsendi túrde kiristi.
Elbasy Úndeýinde qıyn kezeńde el-jurtqa kómekteskisi keletin jáne járdem bere alatyn adamdardyń qarajaty jınaqtalatyn qor qurýdy usynǵan bolatyn. Osy oraıda óńirimizde nátıjeli jumys atqarǵan «Túrkistan» korporatıvtik áleýmettik damý qory tańdalyp alyndy. Atalǵan qorǵa oblys ákimdigi, basqarmalar men oǵan qarasty mekemeler búgin bir kúndik jalaqylaryn aýdarady.
Endigi úmit eljandy kásipkerlerde. Halyqqa qaıyrymy mol qaltaly azamattar, depýtattar, kásipkerler bastamalarmen shyǵýda. Árkim elge túsken aýyrtpalyqty shama-sharqynsha kóterýge ázir.
Búgin «Túrkistan» korporatıvtik áleýmettik damý qorynyń janynan qamqorshylyq keńesi quryldy. Onyń quramyna «Nur Otan» partıasynyń, «Atameken» kásipkerler palatasynyń jáne Ardagerler keńesiniń ókilderi engizilgen. «Biz birgemiz!» aksıasy oblys ákimi Ómirzaq Shókeevtiń tikeleı baqylaýymen júrgizilýde.
Partıa qyzmetkerleri de qaýipti indetke qarsy kúres úshin bir kúndik jalaqylaryn aýdaryp, barynsha tıimdi jumystarǵa jumylýda.
