اكسيانى ۇيىمداستىرۋ بارىسىندا جاۋاپتى مەكەمەلەرمەن بىرگە جاردەمگە اسا مۇقتاج 1300-دەي ازاماتتىڭ ءتىزىمىن جاساقتادىق. بۇل تۇرعىندارعا انتيسەپتيكالىق قۇرالدار، مەديسينالىق ماسكالار جانە ءبىرىنشى كەزەكتە قاجەتتى ونىمدەر مەن ازىق-تۇلىك تاپسىرىلىپ جاتىر.
پارتيانىڭ «باقىتتى وتباسى» جوباسى بويىنشا 889 ادام، «ارداگەرلەردى ارداقتايىق» جوباسى ارقىلى 206 ادام ال، «كەدەرگىسىز كەلەشەك» پارتيالىق جوباسى بويىنشا 161 ادامعا كومەك كورسەتىلەدى.
از قامتاماسىز ەتىلگەن وتباسىلارعا ازىق-تۇلىك پەن گيگيەنالىق زاتتاردى تاراتۋعا ەرىكتىلەر، «Jas Otan» جاستار قاناتىنىڭ جاستارى بەلسەندى تۇردە كىرىستى.
ەلباسى ۇندەۋىندە قيىن كەزەڭدە ەل-جۇرتقا كومەكتەسكىسى كەلەتىن جانە جاردەم بەرە الاتىن ادامداردىڭ قاراجاتى جيناقتالاتىن قور قۇرۋدى ۇسىنعان بولاتىن. وسى ورايدا وڭىرىمىزدە ناتيجەلى جۇمىس اتقارعان «تۇركىستان» كورپوراتيۆتىك الەۋمەتتىك دامۋ قورى تاڭدالىپ الىندى. اتالعان قورعا وبلىس اكىمدىگى، باسقارمالار مەن وعان قاراستى مەكەمەلەر بۇگىن ءبىر كۇندىك جالاقىلارىن اۋدارادى.
ەندىگى ءۇمىت ەلجاندى كاسىپكەرلەردە. حالىققا قايىرىمى مول قالتالى ازاماتتار، دەپۋتاتتار، كاسىپكەرلەر باستامالارمەن شىعۋدا. اركىم ەلگە تۇسكەن اۋىرتپالىقتى شاما-شارقىنشا كوتەرۋگە ءازىر.
بۇگىن «تۇركىستان» كورپوراتيۆتىك الەۋمەتتىك دامۋ قورىنىڭ جانىنان قامقورشىلىق كەڭەسى قۇرىلدى. ونىڭ قۇرامىنا «Nur Otan» پارتياسىنىڭ، «اتامەكەن» كاسىپكەرلەر پالاتاسىنىڭ جانە ارداگەرلەر كەڭەسىنىڭ وكىلدەرى ەنگىزىلگەن. «ءبىز بىرگەمىز!» اكسياسى وبلىس اكىمى ءومىرزاق شوكەيەۆتىڭ تىكەلەي باقىلاۋىمەن جۇرگىزىلۋدە.
پارتيا قىزمەتكەرلەرى دە ءقاۋىپتى ىندەتكە قارسى كۇرەس ءۇشىن ءبىر كۇندىك جالاقىلارىن اۋدارىپ، بارىنشا ءتيىمدى جۇمىستارعا جۇمىلۋدا.
