Túrkistan qalasynda Memleket basshysy Qasym-Jomart Toqaevtyń bastamasymen qolǵa alynǵan «Taza Qazaqstan» ekologiialyq bastamasy aiasynda jalpyqalalyq senbilik ótti. Aýqymda sharaǵa qala ákimi Ázimbek Pazylbekuly, qalalyq máslihat depýtattary, ziialy qaýym ókilderi men shahar turǵyndary qatysty.
«Kieli shaharymyzdyń tazalyǵyna at salysqan árbir azamatqa alǵysym sheksiz. Túrkilerdiń rýhani astanasyna ainalǵan Túrkistanymyzdyń gúldenýi qala turǵyndarynyń birige eńbek etýine tikelei bailanysty. Búgingi jalpyhalyqtyq tazalyq jumystary nátijesinde óńirge at basyn buryp, qonaq bolýshylar sany da arta túspek. Sebebi, qalanyń kórki záýlim sarailary ǵana emes, tazalyǵyna da tikelei bailanysty» - dedi shahar basshysy.
Tazalyq jumystaryna qatysýshylar saiabaqtar men alańdardy, aryq-atyzdar men kóshelerdi qoqystardan tazartty. Senbilik belsendileri árbir qala turǵyny «Tazalyq — densaýlyq kepili» ekenin uǵynyp, árbir adam óz aýlasyn taza ustaý qajettigin aitty.
«Biz sekildi erikti jastar qalamyzdyń kórkeiýine úles qosýǵa qashanda daiyn. Zamandastarymdy igi isten qashpai, ózimiz meken eken kieli shahardyń tazalyǵyna uqyptylyqpen qarap, ekologiialyq mádenietti qalyptastyrýǵa barymyzdy salýymyz kerek»-dep pikir bildirdi erikti jastardyń kóshin bastaǵan Dáýren Tileýhan.
Sharaǵa 500-ge tarta túrkistandyqtar qatysyp, 30-ǵa jýyq tehnika jumyldyryldy. Qoqystar arnaiy poligondarǵa jetkizildi. Senbilik jumystary aldaǵy ýaqytta da turaqty túrde uiymdastyrylyr turmaq.
