تٷركٸستان قالاسىندا مەملەكەت باسشىسى قاسىم-جومارت توقاەۆتىڭ باستاماسىمەن قولعا الىنعان «تازا قازاقستان» ەكولوگييالىق باستاماسى اياسىندا جالپىقالالىق سەنبٸلٸك ٶتتٸ. اۋقىمدا شاراعا قالا ەكٸمٸ ەزٸمبەك پازىلبەكۇلى, قالالىق مەسليحات دەپۋتاتتارى, زييالى قاۋىم ٶكٸلدەرٸ مەن شاھار تۇرعىندارى قاتىستى.
«كيەلٸ شاھارىمىزدىڭ تازالىعىنا ات سالىسقان ەربٸر ازاماتقا العىسىم شەكسٸز. تٷركٸلەردٸڭ رۋحاني استاناسىنا اينالعان تٷركٸستانىمىزدىڭ گٷلدەنۋٸ قالا تۇرعىندارىنىڭ بٸرٸگە ەڭبەك ەتۋٸنە تٸكەلەي بايلانىستى. بٷگٸنگٸ جالپىحالىقتىق تازالىق جۇمىستارى نەتيجەسٸندە ٶڭٸرگە ات باسىن بۇرىپ, قوناق بولۋشىلار سانى دا ارتا تٷسپەك. سەبەبٸ, قالانىڭ كٶركٸ زەۋلٸم سارايلارى عانا ەمەس, تازالىعىنا دا تٸكەلەي بايلانىستى» - دەدٸ شاھار باسشىسى.
تازالىق جۇمىستارىنا قاتىسۋشىلار ساياباقتار مەن الاڭداردى, ارىق-اتىزدار مەن كٶشەلەردٸ قوقىستاردان تازارتتى. سەنبٸلٸك بەلسەندٸلەرٸ ەربٸر قالا تۇرعىنى «تازالىق — دەنساۋلىق كەپٸلٸ» ەكەنٸن ۇعىنىپ, ەربٸر ادام ٶز اۋلاسىن تازا ۇستاۋ قاجەتتٸگٸن ايتتى.
«بٸز سەكٸلدٸ ەرٸكتٸ جاستار قالامىزدىڭ كٶركەيۋٸنە ٷلەس قوسۋعا قاشاندا دايىن. زامانداستارىمدى يگٸ ٸستەن قاشپاي, ٶزٸمٸز مەكەن ەكەن كيەلٸ شاھاردىڭ تازالىعىنا ۇقىپتىلىقپەن قاراپ, ەكولوگييالىق مەدەنيەتتٸ قالىپتاستىرۋعا بارىمىزدى سالۋىمىز كەرەك»-دەپ پٸكٸر بٸلدٸردٸ ەرٸكتٸ جاستاردىڭ كٶشٸن باستاعان دەۋرەن تٸلەۋحان.
شاراعا 500-گە تارتا تٷركٸستاندىقتار قاتىسىپ, 30-عا جۋىق تەحنيكا جۇمىلدىرىلدى. قوقىستار ارنايى پوليگوندارعا جەتكٸزٸلدٸ. سەنبٸلٸك جۇمىستارى الداعى ۋاقىتتا دا تۇراقتى تٷردە ۇيىمداستىرىلىر تۇرماق.
