Búgin elimizde jyl saiyn dástúrli túrde uiymdastyrylatyn «KitapTime – 2024» III jalpy respýblikalyq kitap festivali ótti. QR Mádeniet jáne aqparat ministrliginiń qoldaýymen, QR Ulttyq akademiialyq kitaphanasynyń bastamasymen ótip jatqan aýqymdy sharaǵa Túrkistan oblystyq «Farab» ámbebap ǵylymi kitaphanasy da qatysýda, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Kitap merekesin jýrnalist, «Túrkistan Media Holding» JShS basqarýshy direktory Telman Beisen,Tarih ǵylymdarynyń doktory, professor, Q.A.Iasaýi atyndaǵy HQTÝ-diń «Teologiia» fakýltetiniń dekany, Dosai Kenjetaiuly jáne QR Mádeniet maitalmany, Túrkistan oblystyq «Farab» ámbebap ǵylymi kitaphanasynyń buqaralyq kórmelik is-sharalar sektorynyń meńgerýshisi Pernekúl Náltaeva ashyp, kópshilikti kitap oqýǵa shaqyrdy.
Kitap oqýdy keńinen nasihattaý, rýhani, intellektýaldyq damý jolynda jastardy yntalandyrý jáne mádeni qundylyqtarymyzdy halyqqa jetkizý maqsatynda uiymdastyrylǵan «Ǵajaiyp kitap álemi» atty shara barysynda arnaiy kitap kórmeleri jáne installiatsiialar jasaqtalyp, kelýshiler nazaryna usynyldy.
Sharanyń balalarǵa arnalǵan bólimi «AKA» shyǵarmashylyq ortalyǵynyń ónerli balalarynyń kontserttik baǵdarlamasymen jalǵasty. Ónerli balalarǵa kitaphana direktorynyń atynan arnaiy alǵys hat tabystalyp, syilyqtar usynyldy.
