بۇگىن ەلىمىزدە جىل سايىن ءداستۇرلى تۇردە ۇيىمداستىرىلاتىن «KitapTime – 2024» ءىىى جالپى رەسپۋبليكالىق كىتاپ فەستيۆالى ءوتتى. ق ر مادەنيەت جانە اقپارات مينيسترلىگىنىڭ قولداۋىمەن، ق ر ۇلتتىق اكادەميالىق كىتاپحاناسىنىڭ باستاماسىمەن ءوتىپ جاتقان اۋقىمدى شاراعا تۇركىستان وبلىستىق «فاراب» امبەباپ عىلىمي كىتاپحاناسى دا قاتىسۋدا، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
كىتاپ مەرەكەسىن جۋرناليست، «تۇركىستان مەديا حولدينگ» ج ش س باسقارۋشى ديرەكتورى تەلمان بەيسەن،تاريح عىلىمدارىنىڭ دوكتورى، پروفەسسور، ق.ا.ياساۋي اتىنداعى ءحقتۋ-دىڭ «تەولوگيا» فاكۋلتەتىنىڭ دەكانى، دوساي كەنجەتاي ۇلى جانە ق ر مادەنيەت مايتالمانى، تۇركىستان وبلىستىق «فاراب» امبەباپ عىلىمي كىتاپحاناسىنىڭ بۇقارالىق كورمەلىك ءىس-شارالار سەكتورىنىڭ مەڭگەرۋشىسى پەرنەكۇل نالتايەۆا اشىپ، كوپشىلىكتى كىتاپ وقۋعا شاقىردى.
كىتاپ وقۋدى كەڭىنەن ناسيحاتتاۋ، رۋحاني، ينتەللەكتۋالدىق دامۋ جولىندا جاستاردى ىنتالاندىرۋ جانە مادەني قۇندىلىقتارىمىزدى حالىققا جەتكىزۋ ماقساتىندا ۇيىمداستىرىلعان «عاجايىپ كىتاپ الەمى» اتتى شارا بارىسىندا ارنايى كىتاپ كورمەلەرى جانە ينستاللياسيالار جاساقتالىپ، كەلۋشىلەر نازارىنا ۇسىنىلدى.
كىتاپ فەستيۆالى اياسىندا جاس اقىن، جۋرناليست باۋىرجان ەرمانمەن كەزدەسۋ ءوتتى. سونىمەن قاتار ق ر مادەنيەت جانە اقپارات ءمينيسترى ايدا بالايەۆانىڭ باستاماسىمەن جۇزەگە اسىپ جاتقان «اۋىل كىتاپحانالارىنا 100 كىتاپ» اكسياسىن قولداۋ ماقساتىندا فەستيۆال قاتىسۋشىلارى مەن قوناقتارى كىتاپحانا قورىنا كىتاپ تابىستادى. كىتاپ دۇكەندەرى تاراپىنان ساتىلىمعا ءتۇرلى تۋىندىلار شىعارىلدى. اكسيا اياسىندا كىتاپحانا قورىنا 300-گە جۋىق كىتاپ سىيعا تارتىلدى.
شارانىڭ بالالارعا ارنالعان ءبولىمى «اكا» شىعارماشىلىق ورتالىعىنىڭ ونەرلى بالالارىنىڭ كونسەرتتىك باعدارلاماسىمەن جالعاستى. ونەرلى بالالارعا كىتاپحانا ديرەكتورىنىڭ اتىنان ارنايى العىس حات تابىستالىپ، سىيلىقتار ۇسىنىلدى.
