Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Túrkistanda fotoóner ortalyǵy ashyldy

Dalanews
Túrkistanda fotoóner ortalyǵy ashyldy
Búgin Túrkistan qalasyndaǵy «Jastar resýrstyq ortalyǵynda»  «TÚRKISTAN» fotoóner ortalyǵy ashyldy. Túrkistan oblystyq ishki saiasat basqarmasynyń bastamasymen qolǵa alynǵan bul ortalyqta elimizdegi belgili fotograf, «Fotoóner» qoǵamdyq birlestiginiń tóraǵasy Asylhan Ábdiraiymuly jastarǵa dáris oqyp, mamandyqtyń qyr-syryn úiretedi. Atalǵan ortalyqtyń ashylý saltanatyna oblys ákimi Ómirzaq Shókeev pen respýblikalyq jáne óńirlik BAQ basshylary men ókilderi qatysty.

Túrkistan oblysynyń 1 jyldyq merekesinde ashylǵan bul fotoklýb Q.A.Iasaýi atyndaǵy HQTÝ-men tikelei jumys isteidi. Túrli taqyryptarda fotoekspeditsiialar uiymdastyryp, óńirdegi týrizmdi damytý isin nasihattaidy.

Fotoklýbtyń ashylý saltanatynda qonaqtar «Uly dalanyń Túrkistany» atty respýblikalyq fotoekspeditsiia músheleriniń túsirgen sýretterin tamashalady.

«Rýhani jańǵyrý» baǵdarlamasy men «Uly dalanyń jeti qyry» maqalasyndaǵy mindetterdi oryndaý, óńirdiń kieli jáne týristik oryndaryn nasihattaý maqsatynda uiymdastyrylǵan fotoekspeditsiianyń maqsaty oryndaldy. Bir apta boiy óńirdiń kieli jáne týristik oryndaryn túsirgen   ekspeditsiia músheleriniń 40-qa jýyq sýreti qoiyldy. Olardyń ishinde Túrkistan, Kentaý qalalarymen qatar, Sozaq, Báidibek, Otyrar, Sairam, Tóle bi, Túlkibas jáne Qazyǵurt aýdanynyń kieli jáne týristik oryndary, tabiǵaty tamasha mekender men halyqtyń turmys-tirshiliginen syr shertetin sýretter bar.

Túrkistan qalasyna kóship kelip, arnaiy fotostýdiia ashqan Asylhan Ábdiraiymulynyń jańa bastamasy kópshilikti súisintip otyr.

«Túrkistandy túletý – perzenttik paryzym. Týǵan jerime qaita oralyp, osynda shákirt tárbieleý jóninde sheshim qabyldadym. Jańa tynysy ashylǵan Túrkistannyń damýyna óz bilimimmen, tájiribemmen úles qosqym keledi», – degen fotograf aldaǵy ýaqytta osy ortalyqta túrli taqyryptarda dástúrli túrde kórmeler ótkizip, eldiń mádeni-estetikalyq talǵamyn biiktetetin jobalardy júzege asyrýdy kózdep otyr.

«Rýhani jańǵyrý» baǵdarlamasy aiasynda ashylǵan fotoklýb Túrkistan oblysynyń jáne qasietti shahardyń oń imidjin arttyryp, jastardy izgilikke, fotoónerge baýlidy degen senim bar.
túrkistan Ómirzaq Shókeev Túlkibas Qazyǵurt Kentaý «Fotoóner» qoǵamdyq birlestigi Asylhan Ábdiraiymuly fotoekspeditsiia Madina Sádýaqasova

Oqi otyryńyz