Túrkistanda oblystyq qoǵamdyq damý basqarmasy «Qoǵamdyq kelisim» KMM-niń uiymdastyrýymen «Babalar úni» atty etnos ókilderi arasynda qazaqtyń epostyq jyrlaryn jatqa aitýdan baiqaý ótti, dep habarlaidy Dalanews. kz Túrkistan oblysy ákiminiń baspasóz qyzmetine silteme jasap.
Baiqaýdy Túrkistan oblystyq qoǵamdyq damý basqarmasy «Qoǵamdyq kelisim» KMM basshysynyń orynbasary Ernazar Baetov ashyp, qatysýshylarǵa sáttilik tiledi.Ulttyq ónerdi ulyqtaǵan dodaǵa Túrkistan oblystyq QHA janyndaǵy etnomádeni birlestikterdiń tóraǵalary jáne músheleri, oblystyq QHA janyndaǵy qurylymdardyń tóraǵalary jáne músheleri, «Assambleia jastary» RQB-niń Túrkistan oblystyq ókildiginiń músheleri qatysty.
Ónerli jastar saiysyna mádeniet, óner salasynyń qairatkerleri, mádeniet salasynyń mamandary, «Qoǵamdyq kelisim» KMM-niń basshysy qazylyq etti. Baiqaý nátijesinde Sairam aýdanynan qatysqan Jasmina Hantoraeva I orynǵa laiyq dep tanyldy. Al túlkibastyq Aziza Qajieva II oryndy, saýrandyq Daniiar Rasýlov III oryndy ielendi. Budan bólek, ónerimen kózge túsken qatysýshylar yntalandyrý syilyqtarymen marapattaldy. Baiqaý sońynda jeńimpazdar men júldegerlerge arnaiy syilyqtar men Alǵys hat tabystaldy.
