Jezqazǵanda Metallýrg kúnine arnalǵan merekelik is-shara kórnekti ǵalym, Qazaqstan Ǵylym akademiiasynyń tuńǵysh prezidenti Qanysh Sátbaevtyń eskertkishine gúl shoǵyn qoiý rásiminen bastaldy, dep habarlaidy dalanews.kz.
Saltanatty rásimge Ulytaý oblysynyń ákimi Eset Baiken, «Qazaqmys korporatsiiasy» JShS Baqylaý keńesiniń tóraǵasy Nurmuhambet Ábdibekov, Basqarma tóraǵasy Rýslan Óskenáli, metallýrgiia jónindegi bas operatsiialyq direktor, «Kazakhmys Smelting (Qazaqmys Smelting)» JShS bas direktory Jánibek Baiǵabelov, óńir basshylyǵy, eńbek ujymynyń ókilderi men sala ardagerleri qatysty.
Is-sharaǵa qatysýshylar esimi Qazaqstannyń taý-ken metallýrgiia salasynyń damýymen jáne óńirdiń mineraldyq bailyǵyn igerý tarihymen tyǵyz bailanysty kórnekti tulǵa Qanysh Sátbaevtyń rýhyna taǵzym etti. Onyń ǵylymi murasynyń arqasynda Jezqazǵan elimizdiń iri ónerkásip ortalyqtarynyń birine ainaldy. Uly ǵalymnyń ideialary búginde de kenshiler men metallýrgterdiń jańa býynyna baǵyt-baǵdar berip keledi.
Gúl shoǵyn qoiý rásimi otandyq metallýrgiia tarihyna degen qurmettiń, sondai-aq salany damytyp, eńbek dástúrin jalǵastyryp kele jatqan urpaq sabaqtastyǵynyń simvolyna ainaldy.
