Óskemende Metallýrg kúnine arnalǵan saltanatty is-shara ótti. Sala ókilderin kásibi merekesimen Shyǵys Qazaqstan oblysynyń ákimi Nurymbet Saqtaǵanov quttyqtady, dep habarlaidy dalanews.kz.
Óńir basshysy óz sózinde metallýrgiianyń Shyǵys Qazaqstannyń ónerkásiptik áleýetiniń negizi ekenin atap ótti. Búginde óńirde eldiń metallýrgiia salasynyń shamamen 60 paiyzy shoǵyrlanǵan, Qazaqstandaǵy myrysh shikizatynyń 100 paiyzy jáne tazartylǵan kúmistiń shamamen 70 paiyzy óndiriledi. Oblysta 70-ten astam ónerkásip kásiporny jumys isteidi, olardyń 80 paiyzy óńdeý ónerkásibine tiesili.
Óńirdiń erekshe maqtanyshy – sirek kezdesetin ári strategiialyq mańyzy bar metaldardy óndiretin kásiporyndar. Olardyń qatarynda «Kaztsink», Úlbi metallýrgiia zaýyty, Óskemen titan-magnii kombinaty, «Shyǵystústimet» jáne otandyq ónerkásiptiń ózge de kóshbasshy kásiporyndary bar. Úlbi metallýrgiia zaýyty TMD elderindegi tantal ónimderin shyǵaratyn jalǵyz kásiporyn bolyp qala beredi. Sonymen qatar bul- atom elektr stantsiialaryna arnalǵan ýran otynyn óndiretin biregei óndiris orny.
«Búginde salanyń aldynda óndiristi tsifrlandyrý, zamanaýi tehnologiialardy engizý, ekologiialyq tiimdilikti arttyrý jáne shikizatty tereń óńdeýdi damytý siiaqty jańa mindetter tur. Metallýrgterdiń kásibiliginiń arqasynda Shyǵys Qazaqstan elimizdiń jetekshi indýstriialyq óńirleriniń biri retindegi mártebesin nyǵaita túsýde», – dedi ShQO ákimi Nurymbet Saqtaǵanov.
Saltanatty is-shara barysynda oblys ákimi sala ardagerlerin quttyqtap, olardyń kópjyldyq eńbegi, mamandyqqa degen adaldyǵy jáne otandyq metallýrgiianyń damýyna qosqan úlesi úshin alǵys bildirdi.
Sonymen qatar, «Kaztsink» kompaniiasy óndiristik apattardyń saldaryn joiýǵa jáne ónerkásiptik qaýipsizdikti qamtamasyz etýge qatysatyn mamandandyrylǵan bólimshelerdiń qutqarýshylaryna bir million teńge somasyna sertifikattar tabys etti.
