Jyl basynan beri Túrkistan qalasynyń áleýmettik salasynda júieli jumystar atqarylýda. 2025 jyldyń alǵashqy bes aiynda erekshe qajettiligi bar azamattarǵa jan-jaqty qoldaý kórsetý baǵytynda naqty nátijelerge qol jetkizilgen, - dep habarlaidy Dalanews.kz
Búginde shaharda 12 031 múmkindigi shekteýli azamat tirkelse, sonyń ishinde 7583 azamat jeke ońaltý baǵdarlamasymen qamtylǵan. Bul kórsetkish – erekshe sanattaǵy azamattardyń ómir súrý sapasyn arttyrý baǵytynda atqarylyp jatqan júieli jumystyń dáleli.
Jyl basynan beri múgedektigi bar azamattar tarapynan 6325 ótinish túsip, olardyń 4033-i naqty quraldarmen qamtamasyz etilgen. Bul rette ońaltýdyń barlyq túrleri qamtylǵan:
- Protez-ortopediialyq quraldar – 374 adam (60,03%)
- Sýrdo jáne tiflo-tehnikalyq quraldar – 203 adam
- Arnaýly júrip-turý quraldary – 227 adam (94,19%)
- Sanatorlyq-kýrorttyq emdeý – 654 adam (25,57%)
- Jeke kómekshi qyzmeti – 267 adam (100%)
- Ymdaý tili mamanynyń qyzmeti – 148 adam (99,33%)
- Mindetti gigienalyq quraldar – 2160 adam (97,65%)
Bul kórsetkishter inkliýzivti qoǵam qurý, áleýmettik teńdikti qamtamasyz etý jáne ómir súrý sapasyn jaqsartýǵa baǵyttalǵan memlekettik saiasattyń Túrkistan qalasynda naqty júzege asyp jatqanyn kórsetedi.
Sonymen qatar qala aýmaǵynda arnaiy áleýmettik kólik qyzmetteri de tiimdi jumys isteýde:
- 11 invataksi, ony turaqty túrde 211 adam paidalanady;
- 4 áleýmettik taksi, ony 51 azamat qoldanady;
- Kúndizgi qatynaý ortalyǵy arqyly 50 erekshe balaǵa turaqty qoldaý kórsetilýde.
