جىل باسىنان بەرى تۇركىستان قالاسىنىڭ الەۋمەتتىك سالاسىندا جۇيەلى جۇمىستار اتقارىلۋدا. 2025 جىلدىڭ العاشقى بەس ايىندا ەرەكشە قاجەتتىلىگى بار ازاماتتارعا جان-جاقتى قولداۋ كورسەتۋ باعىتىندا ناقتى ناتيجەلەرگە قول جەتكىزىلگەن، - دەپ حابارلايدى Dalanews.kz
بۇگىندە شاھاردا 12 031 مۇمكىندىگى شەكتەۋلى ازامات تىركەلسە، سونىڭ ىشىندە 7583 ازامات جەكە وڭالتۋ باعدارلاماسىمەن قامتىلعان. بۇل كورسەتكىش – ەرەكشە ساناتتاعى ازاماتتاردىڭ ءومىر ءسۇرۋ ساپاسىن ارتتىرۋ باعىتىندا اتقارىلىپ جاتقان جۇيەلى جۇمىستىڭ دالەلى.
جىل باسىنان بەرى مۇگەدەكتىگى بار ازاماتتار تاراپىنان 6325 ءوتىنىش ءتۇسىپ، ولاردىڭ 4033ء-ى ناقتى قۇرالدارمەن قامتاماسىز ەتىلگەن. بۇل رەتتە وڭالتۋدىڭ بارلىق تۇرلەرى قامتىلعان:
- پروتەز-ورتوپەديالىق قۇرالدار – 374 ادام (60،03%)
- سۋردو جانە تيفلو-تەحنيكالىق قۇرالدار – 203 ادام
- ارناۋلى ءجۇرىپ-تۇرۋ قۇرالدارى – 227 ادام (94،19%)
- ساناتورلىق-كۋرورتتىق ەمدەۋ – 654 ادام (25،57%)
- جەكە كومەكشى قىزمەتى – 267 ادام (100%)
- ىمداۋ ءتىلى مامانىنىڭ قىزمەتى – 148 ادام (99،33%)
- مىندەتتى گيگيەنالىق قۇرالدار – 2160 ادام (97،65%)
بۇل كورسەتكىشتەر ينكليۋزيۆتى قوعام قۇرۋ، الەۋمەتتىك تەڭدىكتى قامتاماسىز ەتۋ جانە ءومىر ءسۇرۋ ساپاسىن جاقسارتۋعا باعىتتالعان مەملەكەتتىك ساياساتتىڭ تۇركىستان قالاسىندا ناقتى جۇزەگە اسىپ جاتقانىن كورسەتەدى.
سونىمەن قاتار قالا اۋماعىندا ارنايى الەۋمەتتىك كولىك قىزمەتتەرى دە ءتيىمدى جۇمىس ىستەۋدە:
- 11 ينۆاتاكسي، ونى تۇراقتى تۇردە 211 ادام پايدالانادى؛
- 4 الەۋمەتتىك تاكسي، ونى 51 ازامات قولدانادى؛
- كۇندىزگى قاتىناۋ ورتالىعى ارقىلى 50 ەرەكشە بالاعا تۇراقتى قولداۋ كورسەتىلۋدە.
