Elimizde alǵash ret Túrkistan oblystyq balalar aýrýhanasynyń bazasynda sýpervızıa úılestirý ortalyǵy ashyldy, – dep habarlaıdy Dalanews.kz

Munda balalar dárigerleri men medbıkeler tájirıbe almasyp, kásibı biliktiligin arttyra alady. Jańa ortalyqtyń ashylýyna Qazaqstannyń 20 óńirinen kelgen 70-ten astam medısına mamany, sonymen qatar 6 joǵary oqý ornynyń ókilderi qatysty.

Sýpervızıa úılestirý ortalyǵynda tek Túrkistan oblysy emes, elimizdiń ár túkpirinen kelgen medısına mamandary da tájirıbe jınaqtaı alady. Bul úshin ortalyq zamanaýı materıaldyq-tehnıkalyq jabdyqtarmen, mýlájdarmen, ıntegrasıalyq taqtamen jáne joǵary tehnologıalyq apparattarmen qamtylǵan.

Ortalyq damýdyń keshigýi, estý qabiletiniń buzylýy, emosıonaldyq jáne ıntellektýaldyq buzylýlar, sóıleý nemese tildik buzylýlar sıaqty erte aralasýdy qajet etetin problemalardy eskere otyryp, árbir balanyń salaýatty damý áleýetin barynsha arttyrýǵa baǵyttalǵan. Sondyqtan ortalyqtyń damý strategıasynda Qazaqstan Respýblıkasyndaǵy erte aralasýdaǵy negizgi ınovasıalarǵa basa nazar aýdarylǵan.

Ortalyq halyqaralyq uıymdarmen áriptestikti odan ári damytýdy kózdeıdi.