Túrkistandyq dárigerler 500 gramm salmaqpen týǵan náresteni aman alyp qaldy, dep habarlaidy Dalanews.kz
Túrkistan oblystyq №1 perinataldy ortalyǵynda 24 aptalyq kezeńde náreste dúniege keldi. Salmaǵy 500 gramm, boiy 25 santimetr bolyp týǵan sábidiń jaǵdaiy óte aýyr bolǵan.
Dárigerlerdiń aitýynsha, sábige alǵashqy reanimatsiialyq kómek kórsetilip, jansaqtaý bólimine jatqyzyldy. Aǵzalarynyń tolyq damymaýyna bailanysty náreste jansaqtaý bóliminde tolyq emin alyp shyqqan.
«Týylǵannan keiin náreste birden jansaqtaý bólimine aýystyryldy. Nárestege ókpeni jasandy demaldyrý apparaty qosylǵan. Sábi QR DSM hattamasyna sáikes tolyq emin qabyldady. Eki aidan keiin salmaǵy 1700 gramǵa tolyp, nárestelerdiń joǵary táýeldi bólimine aýystyryldy. Úsh aidan keiin ózdiginen tynys aldy. Ary qarai nárestege tolyq kútim jasalyp, 3 ai 14 táýliginde 2760 gramm salmaqpen perzenthanadan shyǵaryldy», - deidi ortalyq dárigerleri.
Qazirgi tańda ana men balanyń jaǵdaiy birqalypty. Balaqaidyn salmaǵy 2760 gramm bolyp, oblystyq balalar aýrýhanasyna aýystyrylǵan. Bala ózdiginen dem alyp jatyr.
