Túrkistandaǵy «Farab» kitaphanasynda Ulttyq kitap kúnine arnalǵan merekelik is-sharalar joǵary deńgeıde uıymdastyrylyp, óz jalǵasyn tabýda,– dep habarlaıdy Dalanews.kz
Merekelik baǵdarlamanyń biregeı bóligi – «Jappaı kitap oqý» fleshmoby. Bul erekshe formattaǵy sharaǵa 500-den astam oqyrman qamtyldy. Uıymdastyrylǵan aýqymdy oqyrman qozǵalysyna jergilikti mektep oqýshylary, stýdent jastar, sondaı-aq «Ulttyq Ulan» áskerı bóliminiń sarbazdary belsene atsalysty.
Fleshmob barysynda qatysýshylar qazaq ádebıetiniń jaýharlarynan úzindiler oqyp, túrli janrdaǵy kitaptarmen tanysty. Bul bastama – urpaqty kitapqa baýlýdyń jarqyn úlgisi, sonymen qatar jas býyn men áskerı qyzmetkerler arasyndaǵy rýhanı baılanystyń nyǵaıýyna yqpal etti.
«Jappaı kitap oqý» fleshmoby – kitapty ulyqtaý arqyly ult bolashaǵyna qyzmet etýdiń bir joly. Bul shara qoǵamda oqýǵa degen qyzyǵýshylyqty arttyryp, ortaq rýhanı keńistik qalyptastyrýǵa baǵyttalǵan.
