تٷركٸستانداعى «فاراب» كٸتاپحاناسىندا ۇلتتىق كٸتاپ كٷنٸنە ارنالعان مەرەكەلٸك ٸس-شارالار جوعارى دەڭگەيدە ۇيىمداستىرىلىپ, ٶز جالعاسىن تابۋدا,– دەپ حابارلايدى Dalanews.kz
مەرەكەلٸك باعدارلامانىڭ بٸرەگەي بٶلٸگٸ – «جاپپاي كٸتاپ وقۋ» فلەشموبى. بۇل ەرەكشە فورماتتاعى شاراعا 500-دەن استام وقىرمان قامتىلدى. ۇيىمداستىرىلعان اۋقىمدى وقىرمان قوزعالىسىنا جەرگٸلٸكتٸ مەكتەپ وقۋشىلارى, ستۋدەنت جاستار, سونداي-اق «ۇلتتىق ۇلان» ەسكەري بٶلٸمٸنٸڭ ساربازدارى بەلسەنە اتسالىستى.
فلەشموب بارىسىندا قاتىسۋشىلار قازاق ەدەبيەتٸنٸڭ جاۋھارلارىنان ٷزٸندٸلەر وقىپ, تٷرلٸ جانرداعى كٸتاپتارمەن تانىستى. بۇل باستاما – ۇرپاقتى كٸتاپقا باۋلۋدىڭ جارقىن ٷلگٸسٸ, سونىمەن قاتار جاس بۋىن مەن ەسكەري قىزمەتكەرلەر اراسىنداعى رۋحاني بايلانىستىڭ نىعايۋىنا ىقپال ەتتٸ.
«جاپپاي كٸتاپ وقۋ» فلەشموبى – كٸتاپتى ۇلىقتاۋ ارقىلى ۇلت بولاشاعىنا قىزمەت ەتۋدٸڭ بٸر جولى. بۇل شارا قوعامدا وقۋعا دەگەن قىزىعۋشىلىقتى ارتتىرىپ, ورتاق رۋحاني كەڭٸستٸك قالىپتاستىرۋعا باعىتتالعان.
