قاسىم-جومارت توقاەۆ سٶزٸنٸڭ سوڭىندا ۇلتتىق مەدەنيەتتٸ دامىتۋعا, حالىقتىڭ رۋحاني دٷنيەسٸن بايىتۋعا ٷلەس قوسىپ جٷرگەن بٸرقاتار ازاماتتى جوعارى مەملەكەتتٸك ناگرادالارمەن ماراپاتتاۋ تۋرالى شەشٸم قابىلداعانىن ايتتى, دەپ حابارلايدى dalanews.kz.
مەملەكەت باسشىسى قازاقتىڭ دەستٷرلٸ ٶنەرٸن ۇزاق جىلدار بويى ناسيحاتتاپ كەلە جاتقان ەنشٸ ەرٸ دومبىراشى تاتيانا بۋرميستروۆانى ەرەكشە اتاپ ٶتتٸ. پرەزيدەنتتٸڭ ايتۋىنشا, ول جارتى عاسىرعا جۋىق ۋاقىت بويى ۇلتتىق ٶنەردٸ كەڭٸنەن دەرٸپتەپ, جاس تالانتتارعا ٶنەگە كٶرسەتٸپ كەلەدٸ. وسى ەڭبەگٸ ٷشٸن تاتيانا بۋرميستروۆاعا ەلٸمٸزدٸڭ ەڭ جوعارى ناگرادالارىنىڭ بٸرٸ – "وتان" وردەنٸ بەرٸلمەك.
سونىمەن قاتار قازاقستاننىڭ حالىق ەرتٸسٸ, جەزتاڭداي ەنشٸ ماقپال جٷنٸسوۆا ٸٸ دەرەجەلٸ "بارىس" وردەنٸمەن ماراپاتتالادى. توقاەۆ ٶنەر يەسٸنٸڭ حالىق اراسىندا, ەسٸرەسە ەيەلدەر قاۋىمى اراسىندا ەرەكشە قۇرمەتكە يە ەكەنٸن اتاپ ٶتتٸ.
ميحايل لەرمونتوۆ اتىنداعى ۇلتتىق ورىس دراما تەاترىنىڭ اكتريساسى مارينا گانتسەۆا دا مەملەكەتتٸك ناگراداعا لايىق دەپ تانىلدى. ول قازاقستان مەدەنيەتٸنٸڭ دامۋىنا قوسقان ٷلەسٸ ٷشٸن ٸٸٸ دەرەجەلٸ "بارىس" وردەنٸمەن ماراپاتتالماق.
پرەزيدەنت كەسٸبي مەرەكە قارساڭىندا مەدەنيەت سالاسىنا ەڭبەك سٸڭٸرگەن بٸرنەشە ٶنەر قايراتكەرٸنە "قازاقستاننىڭ حالىق ەرتٸسٸ" اتاعى بەرٸلەتٸنٸن دە ايتتى. جالپى, بيىل ەلٸمٸز بويىنشا 120 مەدەنيەت جەنە ٶنەر قىزمەتكەرٸ مەملەكەتتٸك ماراپاتقا يە بولادى.
