Túrkistan óńirinde aq halatty abzal jandardyń eńbegi árdaiym eskerilip otyrady. Budan buryn óńir basshysy Janseiit Túimebaev elimizdiń álemdegi órkenietti 30 eldiń qataryna qosylýdaǵy «Densaýlyq» memlekettik baǵdarlamasyn júzege asyrýda sala qyzmetkerleriniń eńbegin airyqsha atap ótken edi.
«Densaýlyq saqtaý salasynda eńbek etetin qyzmetkerlerdiń sany jaǵynan eń kóbi meiirbikeler bolyp tabylady. Sondyqtan da Sizderdiń halyq saýlyǵyna qosyp jatqan úlesterińiz orasan. Búgingi tańda óńirimizdegi 110 meditsinalyq uiymda medbikelermen qamtamasyz etý jaǵy 86,8 paiyzdy quraidy, bul elimiz boiynsha eń úlken kórsetkish. Búginde óńirdegi meditsina mekemelerdiń materialdyq-tehnikalyq jabdyqtalýy anaǵurlym jaqsardy. Zamanaýi qural-jabdyqtar men qondyrǵylar tek oblys ortalyǵynda ǵana emes, aýdandar men qalalarda da ornatylýda», ‒ degen bolatyn óńir basshysy.
Aita ketsek qazirge oblystaǵy meditsinalyq uiymda 25 myńnan astam orta býyn qyzmetkerleri halyqqa qyzmet kórsetýde.
Halyqtyń densaýlyǵyn saqtaý syndy asyl mindet memlekettik saiasattyń negizi bolyp otyr. Osy baǵytta ótken jyly 4391 meditsina qyzmetker biliktiligin arttyryp, tájiribe jinaqtady. Onyń ishinde shet memleketke barǵandar da bar.
Al osy jyly sala qyzmetkerleriniń biliktiligin arttyrý maqsatynda Túrkiia memleketine joldama beriledi dep josparlanyp otyr.
