تٷركٸستان ٶڭٸرٸندە اق حالاتتى ابزال جانداردىڭ ەڭبەگٸ ەردايىم ەسكەرٸلٸپ وتىرادى. بۇدان بۇرىن ٶڭٸر باسشىسى جانسەيٸت تٷيمەباەۆ ەلٸمٸزدٸڭ ەلەمدەگٸ ٶركەنيەتتٸ 30 ەلدٸڭ قاتارىنا قوسىلۋداعى «دەنساۋلىق» مەملەكەتتٸك باعدارلاماسىن جٷزەگە اسىرۋدا سالا قىزمەتكەرلەرٸنٸڭ ەڭبەگٸن ايرىقشا اتاپ ٶتكەن ەدٸ.
«دەنساۋلىق ساقتاۋ سالاسىندا ەڭبەك ەتەتٸن قىزمەتكەرلەردٸڭ سانى جاعىنان ەڭ كٶبٸ مەيٸربيكەلەر بولىپ تابىلادى. سوندىقتان دا سٸزدەردٸڭ حالىق ساۋلىعىنا قوسىپ جاتقان ٷلەستەرٸڭٸز وراسان. بٷگٸنگٸ تاڭدا ٶڭٸرٸمٸزدەگٸ 110 مەديتسينالىق ۇيىمدا مەدبيكەلەرمەن قامتاماسىز ەتۋ جاعى 86,8 پايىزدى قۇرايدى, بۇل ەلٸمٸز بويىنشا ەڭ ٷلكەن كٶرسەتكٸش. بٷگٸندە ٶڭٸردەگٸ مەديتسينا مەكەمەلەردٸڭ ماتەريالدىق-تەحنيكالىق جابدىقتالۋى اناعۇرلىم جاقساردى. زاماناۋي قۇرال-جابدىقتار مەن قوندىرعىلار تەك وبلىس ورتالىعىندا عانا ەمەس, اۋداندار مەن قالالاردا دا ورناتىلۋدا», ‒ دەگەن بولاتىن ٶڭٸر باسشىسى.
ايتا كەتسەك قازٸرگە وبلىستاعى مەديتسينالىق ۇيىمدا 25 مىڭنان استام ورتا بۋىن قىزمەتكەرلەرٸ حالىققا قىزمەت كٶرسەتۋدە.
حالىقتىڭ دەنساۋلىعىن ساقتاۋ سىندى اسىل مٸندەت مەملەكەتتٸك ساياساتتىڭ نەگٸزٸ بولىپ وتىر. وسى باعىتتا ٶتكەن جىلى 4391 مەديتسينا قىزمەتكەر بٸلٸكتٸلٸگٸن ارتتىرىپ, تەجٸريبە جيناقتادى. ونىڭ ٸشٸندە شەت مەملەكەتكە بارعاندار دا بار.
ال وسى جىلى سالا قىزمەتكەرلەرٸنٸڭ بٸلٸكتٸلٸگٸن ارتتىرۋ ماقساتىندا تٷركييا مەملەكەتٸنە جولداما بەرٸلەدٸ دەپ جوسپارلانىپ وتىر.
