Túrkistan oblysynda taǵy da qaıǵyly jaǵdaı. 9-synyp oqýshysy Meıirjan Nurjanuly 3 qarasha kúni molanyń janynan óli kúıinde tabyldy, dep habarlaıdy Dalanews.kz aqparat agenttigi Qaz365.kz-ke silteme jasap.

Týystarynyń aıtýynsha, jasóspirimdi dosy shaqyryp, ájesinen surap alyp ketken.

Týystary 15 jastaǵy Meıirjan mekteptegi álim-jettiktiń  kesirinen kóz jumdy dep otyr. Dosy úıinen alyp ketken soń, bir top bala molanyń janynda jınalǵan. 

Meıirjannyń aǵasynyń aıtýynsha, ol eshqashan jaman jolda bolmaǵan, mektepti úzdikke oqyǵan. Tipti matematıka, fızıka pánderinen mekteparalyq jarystarǵa da qatysqan. Sol túni Meıirjannyń qatarlastary molanyń janynda balalardy jınap, urǵan kórinedi. Felsher bolyp jumys isteıtin aǵasy Baýyrjan inisiniń júrek tusynan segiz ret soqqy jasaǵanyn, sodan jasóspirimniń júregi jarylyp ketkenin aıtady. 

Jaqyndary oqıǵaǵa baılanysty tórt jigitten kúdiktenedi, alaıda olar áli qamaýǵa alynbaǵan. 

Marqumnyń týystary istiń burmalanyp ketýinen qatty alańdaıdy. Olar tergeýdiń ashyq, ádil júrgizilýin talap etip, jaýapty organdardan naqty shara qabyldaýdy suraıdy.