تٷركٸستان وبلىسىندا تاعى دا قايعىلى جاعداي. 9-سىنىپ وقۋشىسى مەيٸرجان نۇرجانۇلى 3 قاراشا كٷنٸ مولانىڭ جانىنان ٶلٸ كٷيٸندە تابىلدى, دەپ حابارلايدى Dalanews.kz اقپارات اگەنتتٸگٸ Qaz365.kz-كە سٸلتەمە جاساپ.
تۋىستارىنىڭ ايتۋىنشا, جاسٶسپٸرٸمدٸ دوسى شاقىرىپ, ەجەسٸنەن سۇراپ الىپ كەتكەن.
تۋىستارى 15 جاستاعى مەيٸرجان مەكتەپتەگٸ ەلٸم-جەتتٸكتٸڭ كەسٸرٸنەن كٶز جۇمدى دەپ وتىر. دوسى ٷيٸنەن الىپ كەتكەن سوڭ, بٸر توپ بالا مولانىڭ جانىندا جينالعان.
مەيٸرجاننىڭ اعاسىنىڭ ايتۋىنشا, ول ەشقاشان جامان جولدا بولماعان, مەكتەپتٸ ٷزدٸككە وقىعان. تٸپتٸ ماتەماتيكا, فيزيكا پەندەرٸنەن مەكتەپارالىق جارىستارعا دا قاتىسقان. سول تٷنٸ مەيٸرجاننىڭ قاتارلاستارى مولانىڭ جانىندا بالالاردى جيناپ, ۇرعان كٶرٸنەدٸ. فەلشەر بولىپ جۇمىس ٸستەيتٸن اعاسى باۋىرجان ٸنٸسٸنٸڭ جٷرەك تۇسىنان سەگٸز رەت سوققى جاساعانىن, سودان جاسٶسپٸرٸمنٸڭ جٷرەگٸ جارىلىپ كەتكەنٸن ايتادى.
جاقىندارى وقيعاعا بايلانىستى تٶرت جٸگٸتتەن كٷدٸكتەنەدٸ, الايدا ولار ەلٸ قاماۋعا الىنباعان.
مارقۇمنىڭ تۋىستارى ٸستٸڭ بۇرمالانىپ كەتۋٸنەن قاتتى الاڭدايدى. ولار تەرگەۋدٸڭ اشىق, ەدٸل جٷرگٸزٸلۋٸن تالاپ ەتٸپ, جاۋاپتى ورگانداردان ناقتى شارا قابىلداۋدى سۇرايدى.
