Forýmǵa oblystyń aýdan, qalalarynda kásipkerlik salasynda jáne ózge de salalarda jemisti eńbek etip júrgen 100-ge jýyq kópbalaly analar qatysyp, tájiribelerimen bólisti. Qatysýshylar arasynda 9 balanyń anasy da bar. Forýmdy «Nur Otan» partiiasy Túrkistan oblystyq filialy tóraǵasynyń birinshi orynbasary Beisenbai Tájibaev júrgizip otyrdy.
– «Nur Otan» partiiasy tarapynan kásipkerlikti qoldaý, eldiń áleýmettik jaǵdaiyn jaqsartý, kópbalaly analarǵa qolaily jaǵdai jasaý baǵytynda «Baqytty otbasy» jobasy qolǵa alynǵanyn bilesizder. Qazirgi tańda Túrkistan oblysynda 90 myńdai kópbalaly otbasy bar. «Altyn alqa», «Kúmis alqa» ieleriniń basym bóligi bizdiń óńirden. Bizdiń ardaqty batyr analarymyz bala tárbielep qana qoimai, túrli salalarda jemisti eńbek etip júr. Kásipkerlik salasynda tabysqa jetip júrgen analarymyz jeterlik.
«Atameken» UKP Túrkistan oblystyq filialynyń direktory Dinmuhammed Absattarov kásipkerlerge kórsetiletin jeńildikter jóninde keńinen baiandady. Onyń aitýynsha, 2019 jyldyń ishinde «Bastaý biznes» jáne «Jas kásipker» jobalary aiasynda Túrkistan oblysy boiynsha 3345 áiel bilim aldy. «Eńbek» baǵdarlamasy aiasynda 3 myńnan astam áiel jańa biznes-ideialardy iske asyrýǵa arnalǵan 1,5 mlrd. teńge kólemindegi granttardy ielengen.
– Kásipti neden, qalai bastaimyn degen suraq mazalasa, bizdiń biznes-trenerler «Bastaý» jobasy boiynsha 1 ai boiy kásipkerlik negizderine úiretedi. Nátijesinde qarjylandyrýǵa jáne qaitarymsyz grant utyp alýǵa múmkindik týady. 2019 jyly «Biznestiń jol kartasy-2020» memlekettik baǵdarlamasy aiasynda «Biznes keńesshi» komponenti boiynsha 731 adam áiel bilim aldy. 200-ge jýyq áiel 680 mln tg. kóleminde qarjylandyryldy. Kásibin ashamyn deitin ardaqty analarǵa kómektesýge árqashan daiynbyz, – degen D. Absattarov «Biznestegi áiel» baǵdarlamasyna da toqtalyp ótti.
«Yrys» mikroqarjy uiymynyń Daniiar Arynǵazin «Kópbalaly ana» baǵdarlamasy boiynsha 13 kópbalaly anaǵa 2 mln. teńgege deiin jeńildetilgen nesie berilgenin málimdedi.
Al Túrkistan oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Ásiia Temirbaeva kópbalaly jáne az qamtylǵan otbasylarǵa taǵaiyndalǵan járdemaqylar men ataýly áleýmettik kómektiń jańa formaty týraly túsindirdi.
«Biyl oblys boiynsha ataýly áleýmettik kómek kórsetý maqsatynda jalpy 70,8 mlrd.teńge bólindi. Kópbalaly otbasylar kómek alyp jatyr. Degenmen, keibir turǵyndar tarapynan zańbuzýshylyqtar bolǵany da jasyryn emes.
«Eńbek» memlekettik baǵdardamasy aiasynda 3884 áiel kásibi oqýǵa joldandy. Olardyń ishinde 710-y – kópbalaly analar. 213 kópbalaly ana turaqty jumysqa ornalasty. 32 705 áiel jumyspen qamtý sharalaryna tartyldy. 105 kópbalaly ana biznesin ashty» – degen basqarma basshysy 2020 jyldan bastap kópbalaly otbasylarǵa tabysyna qaramai járdemaqy beriletinin aitty.
Forým aiasynda «Nur Otan» partiiasy Túrkistan oblystyq filialy men «Qazaqstannyń isker áielderi assotsiatsiiasy» qoǵamdyq birlestigi Túrkistan oblystyq filialy arasynda partiialyq jobalardy júzege asyrý jáne kópbalaly áielderge qoldaý kórsetý jóninde Memorandýmǵa qol qoiyldy. Rýhani astanaǵa kelip qanattanǵan ardaqty analar Q.A.Iasaýi kesenesine ziiarat etip, Túrkistannan tyń kúshpen attandy.
Túrkistan oblysynda 144 myńǵa jýyq kásipker bar bolsa, sonyń 46 myńǵa jýyǵy nemese 32 paiyzdan astamy – áielder. Óńirde kásipkerlikke bet burǵan áielderdiń deni tigin sheberhanasyn, konditerlik tsehtar, oqytý ortalyqtaryn ashyp, qyzmet kórsetý salalarynda jumys atqaryp keledi.
«Nur Otan» partiiasy Túrkistan oblystyq filialynyń baspasóz qyzmeti
