فورۋمعا وبلىستىڭ اۋدان، قالالارىندا كاسىپكەرلىك سالاسىندا جانە وزگە دە سالالاردا جەمىستى ەڭبەك ەتىپ جۇرگەن 100-گە جۋىق كوپبالالى انالار قاتىسىپ، تاجىريبەلەرىمەن ءبولىستى. قاتىسۋشىلار اراسىندا 9 بالانىڭ اناسى دا بار. فورۋمدى «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى بەيسەنباي تاجىبايەۆ جۇرگىزىپ وتىردى.
– «Nur Otan» پارتياسى تاراپىنان كاسىپكەرلىكتى قولداۋ، ەلدىڭ الەۋمەتتىك جاعدايىن جاقسارتۋ، كوپبالالى انالارعا قولايلى جاعداي جاساۋ باعىتىندا «باقىتتى وتباسى» جوباسى قولعا الىنعانىن بىلەسىزدەر. قازىرگى تاڭدا تۇركىستان وبلىسىندا 90 مىڭداي كوپبالالى وتباسى بار. «التىن القا»، «كۇمىس القا» يەلەرىنىڭ باسىم بولىگى ءبىزدىڭ وڭىردەن. ءبىزدىڭ ارداقتى باتىر انالارىمىز بالا تاربيەلەپ قانا قويماي، ءتۇرلى سالالاردا جەمىستى ەڭبەك ەتىپ ءجۇر. كاسىپكەرلىك سالاسىندا تابىسقا جەتىپ جۇرگەن انالارىمىز جەتەرلىك.
بۇگىن «باتىر انا» فورۋمىنا كوپبالالى انالارىمىزدى ارنايى شاقىرىپ وتىرمىز. كوپبالالى جانە ىسكەر ايەلدەردىڭ كاسىپكەرلىكپەن شۇعىلدانۋى ءۇشىن قانداي قولداۋلار بار؟ وسى ماسەلەلەر توڭىرەگىندە وي قوزعاپ، وبلىس كولەمىندە كاسىپكەر-انالارىمىزدىڭ اتقارىپ جاتقان جۇمىستارىن وي ەلەگىنەن وتكىزىپ، كوپشىلىك قاۋىمعا ناسيحاتتاۋدى ماقسات ەتىپ وتىرمىز، – دەدى ب.داۋلەت ۇلى.
«اتامەكەن» ۇكپ تۇركىستان وبلىستىق فيليالىنىڭ ديرەكتورى دىنمۇحاممەد ابساتتاروۆ كاسىپكەرلەرگە كورسەتىلەتىن جەڭىلدىكتەر جونىندە كەڭىنەن باياندادى. ونىڭ ايتۋىنشا، 2019 جىلدىڭ ىشىندە «باستاۋ بيزنەس» جانە «جاس كاسىپكەر» جوبالارى اياسىندا تۇركىستان وبلىسى بويىنشا 3345 ايەل ءبىلىم الدى. «ەڭبەك» باعدارلاماسى اياسىندا 3 مىڭنان استام ايەل جاڭا بيزنەس-يدەيالاردى ىسكە اسىرۋعا ارنالعان 1،5 ملرد. تەڭگە كولەمىندەگى گرانتتاردى يەلەنگەن.
– كاسىپتى نەدەن، قالاي باستايمىن دەگەن سۇراق مازالاسا، ءبىزدىڭ بيزنەس-ترەنەرلەر «باستاۋ» جوباسى بويىنشا 1 اي بويى كاسىپكەرلىك نەگىزدەرىنە ۇيرەتەدى. ناتيجەسىندە قارجىلاندىرۋعا جانە قايتارىمسىز گرانت ۇتىپ الۋعا مۇمكىندىك تۋادى. 2019 جىلى «بيزنەستىڭ جول كارتاسى-2020» مەملەكەتتىك باعدارلاماسى اياسىندا «بيزنەس كەڭەسشى» كومپونەنتى بويىنشا 731 ادام ايەل ءبىلىم الدى. 200-گە جۋىق ايەل 680 ملن تگ. كولەمىندە قارجىلاندىرىلدى. كاسىبىن اشامىن دەيتىن ارداقتى انالارعا كومەكتەسۋگە ءارقاشان دايىنبىز، – دەگەن د. ابساتتاروۆ «بيزنەستەگى ايەل» باعدارلاماسىنا دا توقتالىپ ءوتتى.
«ىرىس» ميكروقارجى ۇيىمىنىڭ دانيار ارىنعازين «كوپبالالى انا» باعدارلاماسى بويىنشا 13 كوپبالالى اناعا 2 ملن. تەڭگەگە دەيىن جەڭىلدەتىلگەن نەسيە بەرىلگەنىن مالىمدەدى.
ال تۇركىستان وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ءاسيا تەمىربايەۆا كوپبالالى جانە از قامتىلعان وتباسىلارعا تاعايىندالعان جاردەماقىلار مەن اتاۋلى الەۋمەتتىك كومەكتىڭ جاڭا فورماتى تۋرالى ءتۇسىندىردى.
«بيىل وبلىس بويىنشا اتاۋلى الەۋمەتتىك كومەك كورسەتۋ ماقساتىندا جالپى 70،8 ملرد.تەڭگە ءبولىندى. كوپبالالى وتباسىلار كومەك الىپ جاتىر. دەگەنمەن، كەيبىر تۇرعىندار تاراپىنان زاڭبۇزۋشىلىقتار بولعانى دا جاسىرىن ەمەس.
«ەڭبەك» مەملەكەتتىك باعدارداماسى اياسىندا 3884 ايەل كاسىبي وقۋعا جولداندى. ولاردىڭ ىشىندە 710-ى – كوپبالالى انالار. 213 كوپبالالى انا تۇراقتى جۇمىسقا ورنالاستى. 32 705 ايەل جۇمىسپەن قامتۋ شارالارىنا تارتىلدى. 105 كوپبالالى انا بيزنەسىن اشتى» – دەگەن باسقارما باسشىسى 2020 جىلدان باستاپ كوپبالالى وتباسىلارعا تابىسىنا قاراماي جاردەماقى بەرىلەتىنىن ايتتى.
جيىندا «قازاقستاننىڭ ىسكەر ايەلدەرى اسسوسياسياسى» قوعامدىق بىرلەستىگى تۇركىستان وبلىستىق فيليالىنىڭ ءتورايىمى ينارا نامازبايەۆا ءاربىر ادام ءوز وتباسىن اسىراۋ ءۇشىن الدىمەن وزدەرى جاۋاپتى ەكەنىن ايتتى. وڭىردە ىسكەر ايەلدەر سانى ارتىپ كەلە جاتقانىنا توقتالدى. ال 9 بالانىڭ اناسى، مەديسينا سالاسىنىڭ وكىلى، تۇركىستاندىق جانات ەرينبەتوۆا ايەلدەر قاۋىمى ءارى دەموگرافياعا ۇلەس قوسۋعا جانە جۇمىس ىستەۋگە ۋاقىت تابۋعا بولاتىنىن جەتكىزدى. 14 ادامدى جۇمىسپەن قامتىپ وتىرعان سايرامدىق كوپبالالى انا شاحتىكۇل بەگزاتوۆا دا زامانداستارىن كاسىپكەرلىكپەن شۇعىلدانۋعا شاقىردى. سونداي-اق وبلىستىڭ تۇكپىر-ۇكپىرىنەن كەلگەن ارداقتى انالار ءوز تاجىريبەلەرىن ورتاعا سالىپ، قۇندى پىكىرلەر ايتتى. مەملەكەت تاراپىنان بەرىلەتىن جاردەماقىلار مەن كومەكتەرگە سەنىم ارتپاي، رەتى كەلسە جۇمىس ىستەۋ كەرەكتىگىن جەتكىزدى.
فورۋم اياسىندا «Nur Otan» پارتياسى تۇركىستان وبلىستىق فيليالى مەن «قازاقستاننىڭ ىسكەر ايەلدەرى اسسوسياسياسى» قوعامدىق بىرلەستىگى تۇركىستان وبلىستىق فيليالى اراسىندا پارتيالىق جوبالاردى جۇزەگە اسىرۋ جانە كوپبالالى ايەلدەرگە قولداۋ كورسەتۋ جونىندە مەموراندۋمعا قول قويىلدى. رۋحاني استاناعا كەلىپ قاناتتانعان ارداقتى انالار ق.ا.ياساۋي كەسەنەسىنە زيارات ەتىپ، تۇركىستاننان تىڭ كۇشپەن اتتاندى.
تۇركىستان وبلىسىندا 144 مىڭعا جۋىق كاسىپكەر بار بولسا، سونىڭ 46 مىڭعا جۋىعى نەمەسە 32 پايىزدان استامى – ايەلدەر. وڭىردە كاسىپكەرلىككە بەت بۇرعان ايەلدەردىڭ دەنى تىگىن شەبەرحاناسىن، كونديتەرلىك سەحتار، وقىتۋ ورتالىقتارىن اشىپ، قىزمەت كورسەتۋ سالالارىندا جۇمىس اتقارىپ كەلەدى.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
