Túrkistan qalasyndaǵy «Balýan Sholaq» sport kesheninde jasóspirim uldar men qyzdar arasynda basketboldan halyqaralyq týrnır ótti. Sporttyq jarys qazaq jazýshysy Sattar Erýbaevty eske alýǵa arnaldy, dep habarlaıdy Dalanews.kz

Týrnırge Ózbekstan, Qyrǵyzstan elderi men Taldyqorǵan, Aqtóbe, Baıqońyr qalalary jáne Túrkistan oblysyndaǵy aýdan-qalalardan 250-ge jýyq sportshy qatysty. Shara Túrkistan qalasy ákimdiginiń uıymdastyrýymen ótken.

Nátıjesinde uldar arasynda 1-oryndy Túrkistan qalasynyń komandasy jeńip aldy. Júldeli 2-oryndy Qyrǵyzstannan kelgen komanda, 3-oryndy Baıqońyr qalasynan kelgen qurama ıelendi.

Al qyzdar arasynda 1-orynǵa qyrǵyzstandyq qurama, 2-orynǵa Túrkistan qalasy, 3-orynǵa ózbekstandyq qurama taban tiredi.

Jarys sońynda barlyq qatysýshylar marapattalyp, arnaıy syılyqtarǵa ıe boldy.

Atalǵan týrnır jasóspirimder arasynda salaýatty ómir saltyn nasıhattap, halyqaralyq yntymaqtastyqty nyǵaıtý jáne sport arqyly jastardy tárbıeleýge baǵyttalǵan.