تۇركىستان قالاسىنداعى «بالۋان شولاق» سپورت كەشەنىندە ءجاسوسپىرىم ۇلدار مەن قىزدار اراسىندا باسكەتبولدان حالىقارالىق تۋرنير ءوتتى. سپورتتىق جارىس قازاق جازۋشىسى ساتتار ەرۋبايەۆتى ەسكە الۋعا ارنالدى، دەپ حابارلايدى Dalanews.kz
تۋرنيرگە وزبەكستان، قىرعىزستان ەلدەرى مەن تالدىقورعان، اقتوبە، بايقوڭىر قالالارى جانە تۇركىستان وبلىسىنداعى اۋدان-قالالاردان 250-گە جۋىق سپورتشى قاتىستى. شارا تۇركىستان قالاسى اكىمدىگىنىڭ ۇيىمداستىرۋىمەن وتكەن.
ناتيجەسىندە ۇلدار اراسىندا 1-ورىندى تۇركىستان قالاسىنىڭ كومانداسى جەڭىپ الدى. جۇلدەلى 2-ورىندى قىرعىزستاننان كەلگەن كوماندا، 3-ورىندى بايقوڭىر قالاسىنان كەلگەن قۇراما يەلەندى.
ال قىزدار اراسىندا 1-ورىنعا قىرعىزستاندىق قۇراما، 2-ورىنعا تۇركىستان قالاسى، 3-ورىنعا وزبەكستاندىق قۇراما تابان تىرەدى.
جارىس سوڭىندا بارلىق قاتىسۋشىلار ماراپاتتالىپ، ارنايى سىيلىقتارعا يە بولدى.
اتالعان تۋرنير جاسوسپىرىمدەر اراسىندا سالاۋاتتى ءومىر سالتىن ناسيحاتتاپ، حالىقارالىق ىنتىماقتاستىقتى نىعايتۋ جانە سپورت ارقىلى جاستاردى تاربيەلەۋگە باعىتتالعان.
