Bul festıválge Túrkistan oblysy adamı áleýetti damytý basqarmasynyń basshy orynbasary Ardaq Mádihanqyzy, Q.A.Iasaýı atyndaǵy Halyqaralyq qazaq-túrik ýnıversıtetiniń rektory Janar Amangeldiqyzy, Oqýshylar saraıynyń dırektory Indıra Sarqytqyzy jáne balalarǵa arnalǵan kitaptardyń avtorlary men búldirshinder qatysty.⠀
Festıváldiń ashylý saltanatynda sóz alǵan HQTÝ-niń rektory Janar Amangeldiqyzy: «Balalardyń kitapqa degen qyzyǵýshylyǵyn arttyrý úshin ata-analardyń da kitap oqýy mańyzdy. Balanyń ózge adamdardyń jan dúnıesin túsiný men jaı-kúıin uǵyný qabilettiligi, ıaǵnı empatıany damytý úshin de kitaptyń áseri mol. Bul alǵash ret ótkizilip otyrǵan festıvál, aldaǵy jyldary aýqymyn keńeıe túsiredi dep senemin» degen oıyn bólisti.⠀
Festıvál kitap kórmesimen jalǵasyp, sońǵy kezde jaryq kórgen tárbıelik, tanymdyq jáne álemdik klasıkadaǵy shyǵarmalar tanystyryldy. Sonymen qatar, atalmysh sharanyń aıasynda balalar «Ájeniń ertegisin» tyńdap, teatrlandyrylǵan «Altyn aıdarly bala» qoıylymyn kórdi. Balalar qyzyǵýshylyǵyn arttyrý, olardyń oılaryn jetildirý úshin «Oınaı ós, oılaı ós!» tanymdyq oryndary oınatylyp, jeńimpazdarǵa syılyqtar beriledi. ⠀⠀
Festıvál barysynda balalar men jastar «Hárrı Potter men jasyryn bólme» kitabynyń jaýapty redaktory Nazgúl Qojabek, «Otbasy hrestomatıasy» jobasynyń atqarýshy dırektory Baǵdat Qudıar jáne balalar jazýshysy, ǵalym Zıra Naýryzbaevamen kezdesip, ózderiniń kókeıde júrgen suraqtaryna jaýap aldy. ⠀
Avtorlar óz jumystaryn tanystyryp, shyǵarmalardyń bala damýyna áseri jóninde aıtty aýdarma men kitap shyǵarý kezindegi qyzyqtary men qıyndyqtaryn bólisti.⠀
Jıyn sońynda sóz alǵan Oqýshylar saraıy dırektory Indıra Sarqytqyzy: «Balalar – bizdiń bolashaǵymyz! Dese de sońǵy jyldary balalar ádebıeti men balalar jazýshylaryna degen tapshylyq baıqalady. Qazir osy maqsatta qanshama jumystar atqarylyp jatyr. Sonyń biri osy – búgingi festıfal. Osyndaı sharalar arqyly balalar ádebıetin damytýǵa, balalardyń oı-órisin ósirýge yqpal etemiz degen oıdamyz. Bul maqsat jolynda eńbek etip júrgen barshańyzǵa alǵys aıtyp, jumystaryńyzǵa sáttilik tileımin!», – dedi.
Atalmysh festıvál oblysymyzda tuńǵysh ret uıymdastyrylyp otyr. Onyń negizgi maqsaty – balalardy kitap oqýǵa baýlý, balalar jazýshylaryn dáripteý jáne qalyptastyry. Uıymdastyrýshylardyń aıtýynsha, aldaǵy ýaqytta da osy maqsattaǵy is-sharalar kóptep uıymdastyrylmaq.
