بۇل فەستيۆالگە تۇركىستان وبلىسى ادامي الەۋەتتى دامىتۋ باسقارماسىنىڭ باسشى ورىنباسارى ارداق ءمادىحان قىزى، ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ رەكتورى جانار امانگەلدى قىزى، وقۋشىلار سارايىنىڭ ديرەكتورى ينديرا سارقىت قىزى جانە بالالارعا ارنالعان كىتاپتاردىڭ اۆتورلارى مەن بۇلدىرشىندەر قاتىستى.⠀
فەستيۆالدىڭ اشىلۋ سالتاناتىندا ءسوز العان ءحقتۋ-نىڭ رەكتورى جانار امانگەلدى قىزى: «بالالاردىڭ كىتاپقا دەگەن قىزىعۋشىلىعىن ارتتىرۋ ءۇشىن اتا-انالاردىڭ دا كىتاپ وقۋى ماڭىزدى. بالانىڭ وزگە ادامداردىڭ جان دۇنيەسىن ءتۇسىنۋ مەن جاي-كۇيىن ۇعىنۋ قابىلەتتىلىگى، ياعني ەمپاتيانى دامىتۋ ءۇشىن دە كىتاپتىڭ اسەرى مول. بۇل العاش رەت وتكىزىلىپ وتىرعان فەستيۆال، الداعى جىلدارى اۋقىمىن كەڭەيە تۇسىرەدى دەپ سەنەمىن» دەگەن ويىن ءبولىستى.⠀
فەستيۆال كىتاپ كورمەسىمەن جالعاسىپ، سوڭعى كەزدە جارىق كورگەن تاربيەلىك، تانىمدىق جانە الەمدىك كلاسسيكاداعى شىعارمالار تانىستىرىلدى. سونىمەن قاتار، اتالمىش شارانىڭ اياسىندا بالالار «اجەنىڭ ەرتەگىسىن» تىڭداپ، تەاترلاندىرىلعان «التىن ايدارلى بالا» قويىلىمىن كوردى. بالالار قىزىعۋشىلىعىن ارتتىرۋ، ولاردىڭ ويلارىن جەتىلدىرۋ ءۇشىن «ويناي ءوس، ويلاي ءوس!» تانىمدىق ورىندارى ويناتىلىپ، جەڭىمپازدارعا سىيلىقتار بەرىلەدى. ⠀⠀
فەستيۆال بارىسىندا بالالار مەن جاستار «ءحارري پوتتەر مەن جاسىرىن بولمە» كىتابىنىڭ جاۋاپتى رەداكتورى نازگۇل قوجابەك، «وتباسى حرەستوماتياسى» جوباسىنىڭ اتقارۋشى ديرەكتورى باعدات قۇديار جانە بالالار جازۋشىسى، عالىم زيرا ناۋرىزبايەۆامەن كەزدەسىپ، وزدەرىنىڭ كوكەيدە جۇرگەن سۇراقتارىنا جاۋاپ الدى. ⠀
اۆتورلار ءوز جۇمىستارىن تانىستىرىپ، شىعارمالاردىڭ بالا دامۋىنا اسەرى جونىندە ايتتى اۋدارما مەن كىتاپ شىعارۋ كەزىندەگى قىزىقتارى مەن قيىندىقتارىن ءبولىستى.⠀
جيىن سوڭىندا ءسوز العان وقۋشىلار سارايى ديرەكتورى ينديرا سارقىت قىزى: «بالالار – ءبىزدىڭ بولاشاعىمىز! دەسە دە سوڭعى جىلدارى بالالار ادەبيەتى مەن بالالار جازۋشىلارىنا دەگەن تاپشىلىق بايقالادى. ءقازىر وسى ماقساتتا قانشاما جۇمىستار اتقارىلىپ جاتىر. سونىڭ ءبىرى وسى – بۇگىنگى فەستيفال. وسىنداي شارالار ارقىلى بالالار ادەبيەتىن دامىتۋعا، بالالاردىڭ ءوي-ورىسىن وسىرۋگە ىقپال ەتەمىز دەگەن ويدامىز. بۇل ماقسات جولىندا ەڭبەك ەتىپ جۇرگەن بارشاڭىزعا العىس ايتىپ، جۇمىستارىڭىزعا ساتتىلىك تىلەيمىن!»، – دەدى.
اتالمىش فەستيۆال وبلىسىمىزدا تۇڭعىش رەت ۇيىمداستىرىلىپ وتىر. ونىڭ نەگىزگى ماقساتى – بالالاردى كىتاپ وقۋعا باۋلۋ، بالالار جازۋشىلارىن دارىپتەۋ جانە قالىپتاستىرى. ۇيىمداستىرۋشىلاردىڭ ايتۋىنشا، الداعى ۋاقىتتا دا وسى ماقساتتاعى ءىس-شارالار كوپتەپ ۇيىمداستىرىلماق.
