Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Túrkistanda «Aýyl amanaty» jobasy boiynsha qolǵap, shulyq, shege, jihaz shyǵaratyn kásipkerlik jobalar qoldaý tapty

Dalanews
Túrkistanda «Aýyl amanaty» jobasy boiynsha qolǵap, shulyq, shege, jihaz shyǵaratyn kásipkerlik jobalar qoldaý tapty
Túrkistan oblysynyń ákimi Darhan Satybaldynyń memlekettik baǵdarlamalardyń múmkindikterin tiimdi paidalaný jáne halyq arasynda keńinen nasihattaý jónindegi tapsyrmasy aiasynda óńirde halyqtyń tabysyn arttyrýǵa baǵyttalǵan «Aýyl amanaty» jobasy boiynsha júieli jumystar júrgizilýde. Osy oraida, Túrkistan oblysy ákiminiń orynbasary Nuralhan Kósherovtyń tóraǵalyǵymen «Aýyl amanaty» jobasynyń altynshy baǵyty aiasynda nesielendirý tártibi boiynsha jiyn ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.

Jiynǵa áleýmettik kásipkerlik korporatsiiasy, «Yrys» MQU jáne «Ońtústik» aimaqtyq investitsiialyq ortalyǵynyń ókilderi jáne oblys kásipkerleri qatysty.

Basqosýda Túrkistan oblystyq kásipkerlik jáne ónerkásip basqarmasynyń basshysy Nurjigit Myrzahmetov oblys ákiminiń tapsyrmasyna sáikes ázirlengen kásipkerlik baǵytyndaǵy 50 biznes jobany tanystyrdy. Qurylys qolǵap, shulyq, shege, qurylys materialdaryn jasaý, plitka óndirisi, untaq jáne himiialyq suiyqtyqtardy óndirý, jihaz, aǵash buiymdary, jartylai daiyn taǵamdar óndirý boiynsha kásip ieleri óz biznesterin tanystyryp, qoldaý kórsetýdi surady.

Shyǵyny men paidasy zerdelegen kásipkerlik baǵytyndaǵy jobalardy tanystyrǵan basqarma basshysy, budan bólek birqatar potentsialdy joba pysyqtalyp jatqanyn jetkizdi.

Kásipkerlerdiń jobalarymen jeke-jeke tanysqan Túrkistan oblysy ákiminiń orynbasary qoldaý kórsetýge daiyn ekenin jetkizdi.

– Is bastaimyn deseńizder, eshqandai qarsylyq bildirmeimiz. Kerisinshe, isteimin degen azamatqa qoldaý kórsetemiz. «Aýyl amanaty» baǵdarlamasyna halyqty tartý kerek. Múmkinshilik kóp. Memleket usynǵan qoldaýdy tiimdi paidalanyp, jumys isteý kerek. Tek aýyl sharýashylyǵymen ǵana ainalysyp qoimai, basqa da kásipke beiimdelgen jón. Kótergen máselelerińizdi zań aiasynda qarap, ońtaily sheshýge kúsh salamyz. Birlesip jumys atqaraiyq, – dedi Nuralhan Kósherov.


Kezdesýde kásip ieleri kedergi keltiretin ózekti máselelerdi ortaǵa salyp, jer jáne infraqurylym týraly sóz qozǵady. Kóterilgen máseleler zań aiasynda qaralyp, sheshimin tabady.

Jiyn sońynda kezekti otyrys ýaqyty belgilenip, kóterilgen máseleler boiynsha atqarylǵan jumys nátijesin saralaý kelisildi. Sondai-aq oblys ákiminiń orynbasary jaýapty basshylarǵa tanystyrylǵan 50 biznes jobany qarjylandyrý deńgeiine deiin súiemeldeý jumystaryn júrgizýdi tapsyrdy.
túrkistan qurylys materialdary Darhan Satybaldy jihaz Nurjigit Myrzahmetov qolǵap shulyq Nuralhan Kósherov shege aǵash buiymdary jartylai daiyn taǵamdar Madina Sádýaqasova

Oqi otyryńyz