Taıaýda Saıram aýdanynyń ákimi Baqtıar Mamaev jýrnalıserdiń aldynda 2018 jyldyń 10 aıyn qorytyndylap, aýdan áleýmettik-ekonomıkalyq damýyna sholý jasasa, budan keıin estafetany Túlkibas aýdanynyń ákimi Nurbol Turashbekov jalǵady.
Aýdan tizginin byltyr kóktemniń alǵashqy kúninde qolyna alǵan azamat kúni búginge deıin qarqyndy, jemisti eńbek etip keledi. Basqa aýdan-qalalarmen salystyrǵanda, munda áleýmettik máseleler táp-táýir sheshimin tapqan. Memlekettik baǵdarlamalar da retimen júzege asyrylýda. Ásirese, týrızmniń damýyna kúsh salyp jatqany qýantady.
Sondaı-aq aýdannyń 90 jyldyq mereıtoıyn ózgelerge úlgi bolarlyq deńgeıde uıymdastyrǵany da el aýzynda júr. Sátin salsa, aýdan ataýynyń Túlkibastan Túrkibasyǵa aýysýy da Nurekeńniń ákimdik etip turǵan merzimimen tuspa-tus kelmekshi.
Aıtpaqshy, bıyl kóktemde "Qyzǵaldaq" festıvalin respýblıkalyq deńgeıde aıtýly shara etip uıymdastyrǵan Túlkibas aýdanyna Elbasynyń keshe jaryq kórgen "Uly dalanyń jeti qyry" maqalasynyń tikeleı qatysty tusy bar. Alma men qyzǵaldaq she?! Túrkistan óńirinde bul aýdannyń, rasynda da, alma men qyzǵaldaqtyń otany ekenine eshkim talasa qoımas. Sondyqtan endigi jerde tek qyzǵaldaqty emes, almany qosyp nasıhattaýdyń amaldaryn qarastyrǵan jón shyǵar. Bardy baǵalaǵanǵa baq qonady.
Denińizge saýlyq, otbasyńyzǵa amandyq, isińizge sáttilik, jemis, bereke tileımin! Alla abyroıyńyzdy bıik etsin, baýyr!
Dalanews.kz
