تاياۋدا سايرام اۋدانىنىڭ اكىمى باقتيار مامايەۆ جۋرناليستەردىڭ الدىندا 2018 جىلدىڭ 10 ايىن قورىتىندىلاپ، اۋدان الەۋمەتتىك-ەكونوميكالىق دامۋىنا شولۋ جاساسا، بۇدان كەيىن ەستافەتانى تۇلكىباس اۋدانىنىڭ اكىمى نۇربول تۇراشبەكوۆ جالعادى.
اۋدان تىزگىنىن بىلتىر كوكتەمنىڭ العاشقى كۇنىندە قولىنا العان ازامات كۇنى بۇگىنگە دەيىن قارقىندى، جەمىستى ەڭبەك ەتىپ كەلەدى. باسقا اۋدان-قالالارمەن سالىستىرعاندا، مۇندا الەۋمەتتىك ماسەلەلەر ءتاپ-تاۋىر شەشىمىن تاپقان. مەملەكەتتىك باعدارلامالار دا رەتىمەن جۇزەگە اسىرىلۋدا. اسىرەسە، ءتۋريزمنىڭ دامۋىنا كۇش سالىپ جاتقانى قۋانتادى.
سونداي-اق اۋداننىڭ 90 جىلدىق مەرەيتويىن وزگەلەرگە ۇلگى بولارلىق دەڭگەيدە ۇيىمداستىرعانى دا ەل اۋزىندا ءجۇر. ءساتىن سالسا، اۋدان اتاۋىنىڭ تۇلكىباستان تۇركىباسىعا اۋىسۋى دا نۇرەكەڭنىڭ اكىمدىك ەتىپ تۇرعان مەرزىمىمەن تۇسپا-تۇس كەلمەكشى.
ايتپاقشى، بيىل كوكتەمدە "قىزعالداق" فەستيۆالىن رەسپۋبليكالىق دەڭگەيدە ايتۋلى شارا ەتىپ ۇيىمداستىرعان تۇلكىباس اۋدانىنا ەلباسىنىڭ كەشە جارىق كورگەن "ۇلى دالانىڭ جەتى قىرى" ماقالاسىنىڭ تىكەلەي قاتىستى تۇسى بار. الما مەن قىزعالداق شە؟! تۇركىستان وڭىرىندە بۇل اۋداننىڭ، راسىندا دا، الما مەن قىزعالداقتىڭ وتانى ەكەنىنە ەشكىم تالاسا قويماس. سوندىقتان ەندىگى جەردە تەك قىزعالداقتى ەمەس، المانى قوسىپ ناسيحاتتاۋدىڭ امالدارىن قاراستىرعان ءجون شىعار. باردى باعالاعانعا ب ا ق قونادى.
دەنىڭىزگە ساۋلىق، وتباسىڭىزعا اماندىق، ىسىڭىزگە ساتتىلىك، جەمىس، بەرەكە تىلەيمىن! اللا ابىرويىڭىزدى بيىك ەتسىن، باۋىر!
Dalanews.kz
