Túrkistan qalasynda jumysqa ornalastyrylǵan azamattardyń jalaqysyn sýbsidiialaýǵa bólingen biýdjet qarajatyn jymqyrý faktisi boiynsha aiyptaý úkimi shyǵaryldy, dep habarlaidy Dalanews.kz.
Tergeý amaldary QMA Túrkistan oblysy boiynsha departamenti júrgizdi.
«Eńbek mobildiligi ortalyǵy» - nyń burynǵy direktory, «Jumys berýshilerdi qoldaý» bóliminiń qyzmetkeri, sondai-aq birqatar kommertsiialyq uiymdardyń basshylary azamattardy sýbsidiialanatyn jumys oryndaryna jalǵan rásimdeý arqyly biýdjet qarajatyn zańsyz alý shemasyn uiymdastyrǵan.
Ortalyq qyzmetkeri kásipkerlerdiń elektrondyq tsifrlyq qoltańbalaryn paidalanyp, memlekettik baǵdarlamalarǵa qatysý úshin ótinimder bergen. Ótinimderde jalǵan laýazymdar kórsetilgen. Olar maquldanǵannan keiin, eńbek mindetterin is júzinde oryndamaǵan azamattardy jumysqa qabyldaý týraly buiryqtar rásimdelgen.
Kásipkerler ózderiniń tanystary men týystaryn tartyp, memlekettik qoldaý baǵdarlamalaryna qatysady degen jeleýmen banktik shot ashýdy usynǵan, al shyn máninde, bul shottar jalǵan qyzmetkerlerge tólem jasaý úshin paidalanylǵan.
Ai saiyn júiege jalǵan jumys ýaqytyn esepke alý tabelderi engizilgen. Osy qujattar negizinde qarajat «jumysshylardyń» shottaryna aýdarylyp otyrǵan. Alynǵan qarajat kásipkerlermen qolma-qol aqshaǵa ainaldyrylyp, bólim qyzmetkerine berilgen, keiin ol qarajatty shemaǵa qatysýshylar arasynda bólgen.
Nátijesinde 78 adam jalǵan eńbekke ornalastyrylǵan. Memleketke keltirilgen zalal 49 mln teńgeden asty.
Sottyń úkimimen úsh kinálige 4 jyl 6 aidan 5 jylǵa deiingi merzimge bas bostandyǵynan aiyrý jazasy taǵaiyndaldy. Eki kásipkerge 4 jyl 6 ai merzimge bas bostandyǵyn shekteý jazasy belgilendi.
Sonymen qatar, memleketke keltirilgen zalal sottalýshylar tarapynan tolyq kólemde óteldi.
Úkim zańdy kúshine engen joq.
