Bıyl Alash qaıratkerleri Sultanbek Qojanovtyń týǵanyna 130 jyl, Názir Tórequlovtyń týǵanyna 132 jyl, Nurtas Ońdasynovtyń týǵanyna 120 jyl tolyp otyr. Osyǵan oraı, Túrkistanda «Alash ardaqtylary» atty tarıhı-mádenı shara ótti, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Alash zıalylary ulyqtalǵan sharada tarıh ǵylymdarynyń kandıdaty, qalanyń qurmetti azamaty Baıan Sadyqqyzy sóz alyp, tarıhı tulǵalardyń ómir-dereginen syr shertti. «Qurmet» ordeniniń ıegeri, Názir Tórequlov mýzeıi fılıalynyń meńgerýshisi Omar Abdýllauly qaıratkerlerdiń el úshin jasaǵan erlikterine toqtaldy.
Qalalyq máslıhat tóraǵasy Ǵappar Sersenbaev HH ǵasyrdyń shejiresinde Túrkistan ólkesi – Alash atyn aspandatqan tulǵalarymen, tól perzentterimen áıgili ekenin maqtanyshpen jetkizdi.
Qalalyq mádenıet úıiniń ónerpazdary Alash arystaryn somdap, tarıhtan syr shertetin áserli qoıylym usyndy. Ónerpazdar patrıottyq ánder shyrqap, jyr shýmaqtaryn oqydy.
Elimizdiń táýelsizdigine halqymyzdyń rýhanı dúnıesine qyzmet etken Alash arystarynyń tarıhtaǵy orny bıik ekeni sózsiz. Búgingi Názir Tórequlov, Nurtas Ońdasynov, Sultanbek Qojanovqa arnalǵan rýhanı keshten jastar tushymdy áńgime tyńdap, tyń maǵlumat aldy.
