"Dikii Arman" laqap atymen tanylǵan, Qańtar oqiǵasynan keiin 20 jylǵa bas bostandyǵynan aiyrylǵan Arman Jumageldievtiń videosy áleýmettik jelide tarady, dep dalanews.kz tilshisi kznews.kz saityna silteme jasap habarlaidy.
Beinejazbada ol óz ustanymyn aityp, istiń shyndyǵy bir kúni ashylatynyna senim bildirgen. Jumageldiev ózine taǵylǵan aiyptarmen kelispeitinin jetkizip, memleketke de, halyqqa da qarsy áreket etpegenin aitty.
"Shyndyq erte me, kesh pe ortaǵa shyǵady. Quran ustap turyp ant etemin. Eshqandai qastandyq bolǵan emes, memleket pen halyqqa qarsy shyqqan emespin. Ne istesem de, bárin Alla men halyq úshin istedim", – deidi Arman Jumageldiev taraǵan videoda.
