Jeke brend taqyrybynda kontent túsiretin Instagram qoldanýshysy Dinara Myrzajanqyzy ánshi Sáken Maiǵazievtiń kelini Ádiiaǵa qatysty qyzyqty aqparatty bólisti, dep dalanews.kz tilshisi kznews.kz saityna silteme jasap habarlaidy.
Onyń aitýynsha, Ádiia búginde sán salasynda óz kásibin júrgizip júr. Ol Dýbaidan abaika úlgisindegi kiimderdi ákelip, Qazaqstanda satýmen ainalysady.
Dinara Myrzajanqyzy jazbasynda jýyrda Sáken Maiǵazievtiń úlken uly Ádilettiń úilený toiy dúrkirep ótkenin de atap ótti. Kontent avtorynyń málimetinshe, Ádilet 27 jasta, al onyń jary Ádiia 20 jasta. Sondai-aq Ádiianyń Mańǵystaý óńirinen ekeni aityldy.
Avtor Ádiianyń áleýmettik jelidegi paraqshasyna sholý jasap, onyń sulýlyqqa, názik stilge jáne vizýaldyq estetikaǵa erekshe mán beretinin baiqaǵanyn jetkizdi.
"Paraqshasynan estetikany, ádemilikti jaqsy kóretini kórinip tur. Al kásibine kelsek, Dýbaidan abaika kiimderin ákelip, Qazaqstanda satyp júr", – dep jazdy Dinara Myrzajanqyzy.
Sondai-aq ol videosynda Ádiianyń jeke paraqshasy men jumys akkaýntyna toqtalyp, onyń áleýmettik jelidegi stili men kontent júrgizý mánerine qatysty pikir bildirdi.
