QirSabyn Telegram-arnasynyń ákimshileri uzaq merzimge sottaldy, dep habarlaidy dalanews.kz.
Astana sotynyń málimetinshe, R.Á. Qylmystyq kodekstiń 194-baby 3-bóligi 2-tarmaǵy boiynsha, iaǵni asa iri kólemde aldyn ala sóz bailasý arqyly jasalǵan bopsalaý faktisi boiynsha kináli dep tanylyp, 6 jyl 6 aiǵa bas bostandyǵynan aiyryldy. Sonymen qatar onyń múlki tárkilenedi.
Osy is boiynsha ekinshi aiyptalýshy R.T. de kináli dep tanylyp, 6 jylǵa bas bostandyǵynan aiyrý jáne múlkin tárkileý jazasy taǵaiyndaldy.
Sot protsesi jabyq rejimde ótti.
Sot málimetinshe, qazir is apelliatsiialyq satyda qaralyp jatyr. Úkim áli zańdy kúshine engen joq.
Eske salsaq, Bas prokýratýra 2024 jylǵy 20 jeltoqsanda QirSabyn Telegram-arnasy arqyly bedelge nuqsan keltiretin jalǵan aqparat jariialaimyz dep aqsha bopsalady degen kúdikpen birneshe adamnyń ustalǵanyn habarlaǵan edi.
