بيىل الاش قايراتكەرلەرى سۇلتانبەك قوجانوۆتىڭ تۋعانىنا 130 جىل، ءنازىر تورەقۇلوۆتىڭ تۋعانىنا 132 جىل، نۇرتاس وڭداسىنوۆتىڭ تۋعانىنا 120 جىل تولىپ وتىر. وسىعان وراي، تۇركىستاندا «الاش ارداقتىلارى» اتتى تاريحي-مادەني شارا ءوتتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
الاش زيالىلارى ۇلىقتالعان شارادا تاريح عىلىمدارىنىڭ كانديداتى، قالانىڭ قۇرمەتتى ازاماتى بايان سادىق قىزى ءسوز الىپ، تاريحي تۇلعالاردىڭ ومىر-دەرەگىنەن سىر شەرتتى. «قۇرمەت» وردەنىنىڭ يەگەرى، ءنازىر تورەقۇلوۆ مۋزەيى فيليالىنىڭ مەڭگەرۋشىسى ومار ابدۋللا ۇلى قايراتكەرلەردىڭ ەل ءۇشىن جاساعان ەرلىكتەرىنە توقتالدى.
قالالىق ءماسليحات ءتوراعاسى عاپپار سەرسەنبايەۆ حح عاسىردىڭ شەجىرەسىندە تۇركىستان ولكەسى – الاش اتىن اسپانداتقان تۇلعالارىمەن، ءتول پەرزەنتتەرىمەن ايگىلى ەكەنىن ماقتانىشپەن جەتكىزدى.
قالالىق مادەنيەت ءۇيىنىڭ ونەرپازدارى الاش ارىستارىن سومداپ، تاريحتان سىر شەرتەتىن اسەرلى قويىلىم ۇسىندى. ونەرپازدار پاتريوتتىق اندەر شىرقاپ، جىر شۋماقتارىن وقىدى.
ەلىمىزدىڭ تاۋەلسىزدىگىنە حالقىمىزدىڭ رۋحاني دۇنيەسىنە قىزمەت ەتكەن الاش ارىستارىنىڭ تاريحتاعى ورنى بيىك ەكەنى ءسوزسىز. بۇگىنگى ءنازىر تورەقۇلوۆ، نۇرتاس وڭداسىنوۆ، سۇلتانبەك قوجانوۆقا ارنالعان رۋحاني كەشتەن جاستار تۇشىمدى اڭگىمە تىڭداپ، تىڭ ماعلۇمات الدى.
