Irgetasy osy jyldyń qyrkúiek aiynda qalanyp, memlekettik biýdjet esebinen salynyp jatqan 60 páterli 20 turǵyn úidiń 11-i (660 páter) 2019 jyldyń sáýir aiynda tapsyrylady. Al 9 turǵyn úi (540 páter) keler jyldyń qarasha aiyna el igiligine berilmek. Kredittik kópqabatty 6 turǵyn úidiń (336 páter) qurylys jumystary 2019 jyldyń maýsym aiynda aiaqtalyp, paidalanylýǵa tapsyrylady.
Jańa ákimshilik-iskerlik ortalyqta memlekettik-jekeshelik áriptestik arqyly 280 oryndyq jańa balabaqshanyń qurylysy da halyq igiligine tapsyryldy. Sondai-aq, 900 oryndyq mekteptiń esigin jańa oqý jylyna deiin ashý josparlanýda.
Jańa oblys ortalyǵy Túrkistan qalasynyń ákimshilik-iskerlik aimaǵynda qazir jańa ákimshilik ǵimaraty, basqarmalar jáne departamentter úileri, sondai-aq, 5 juldyzdy «Riksos» qonaq úiiniń qurylysy bastalyp ketti.
