Memleket basshysy bıylǵy Joldaýynda «Qazaqstan sıfrlandyrý salasynda qol jetkizgen jetistikterin eseleı túsýge tıis»ekendigin aıtqan bolatyn. Osy rette Túrkistan oblysynda sıfrlandyrý, IT, ınternet salasyn damytý boıynsha aýqymdy is-sharalar uıymdastyrylyp keledi, dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Búgin Turkistan hub-ta oblystyq Sıfrlandyrý, memlekettik qyzmetter kórsetý jáne arhıvter basqarmasynyń uıymdastyrýymen "AI kómegimen saıttar jasaý" týraly Workshop ótti. Vorkshopta Almaty qalasyndaǵy Halyqaralyq IT Ýnıversıtetiniń (MÝIT) túlegi spıker Muhamedjan Bóribek eksklúzıvti master-klass kórsetti.

-Búgingi is-sharada kásibı saıttardy jasandy ıntellekttiń kómegimen jasaý ádisteri aıtyldy. Aqyldy quraldarmen kod jazý álemin bilýge bolady. Sondaı-aq saıtty biregeı etetin áserli anımasıalardy qalaı jasaý kerektigin túsindirdik. Vorkshopqa zamanaýı tehnologıalar týraly kóbirek bilgisi keletin tájirıbeli jastar jınaldy sózsiz, - dedi spıker.

Aıta keteıik, kelesi jyly Astanada “Jasandy ıntellekt” ulttyq ortalyǵy iske qosylady dep josparlanýda. Atalǵan ortalyq oqýshylar, stýdentter, ǵalymdar jáne kásipkerlerge arnalǵan múmkindikter alańyna aınalmaq.