مەملەكەت باسشىسى بيىلعى جولداۋىندا «قازاقستان سيفرلاندىرۋ سالاسىندا قول جەتكىزگەن جەتىستىكتەرىن ەسەلەي تۇسۋگە ءتيىس»ەكەندىگىن ايتقان بولاتىن. وسى رەتتە تۇركىستان وبلىسىندا سيفرلاندىرۋ، IT، ينتەرنەت سالاسىن دامىتۋ بويىنشا اۋقىمدى ءىس-شارالار ۇيىمداستىرىلىپ كەلەدى، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
بۇگىن Turkistan hub-تا وبلىستىق سيفرلاندىرۋ، مەملەكەتتىك قىزمەتتەر كورسەتۋ جانە ارحيۆتەر باسقارماسىنىڭ ۇيىمداستىرۋىمەن "AI كومەگىمەن سايتتار جاساۋ" تۋرالى Workshop ءوتتى. ۆوركشوپتا الماتى قالاسىنداعى حالىقارالىق IT ۋنيۆەرسيتەتىنىڭ (مۋيت) تۇلەگى سپيكەر مۇحامەدجان بورىبەك ەكسكليۋزيۆتى ماستەر-كلاسس كورسەتتى.
-بۇگىنگى ءىس-شارادا كاسىبي سايتتاردى جاساندى ينتەللەكتتىڭ كومەگىمەن جاساۋ ادىستەرى ايتىلدى. اقىلدى قۇرالدارمەن كود جازۋ الەمىن بىلۋگە بولادى. سونداي-اق سايتتى بىرەگەي ەتەتىن اسەرلى انيماسيالاردى قالاي جاساۋ كەرەكتىگىن تۇسىندىردىك. ۆوركشوپقا زاماناۋي تەحنولوگيالار تۋرالى كوبىرەك بىلگىسى كەلەتىن تاجىريبەلى جاستار جينالدى ءسوزسىز، - دەدى سپيكەر.
ايتا كەتەيىك، كەلەسى جىلى استانادا “جاساندى ينتەللەكت” ۇلتتىق ورتالىعى ىسكە قوسىلادى دەپ جوسپارلانۋدا. اتالعان ورتالىق وقۋشىلار، ستۋدەنتتەر، عالىمدار جانە كاسىپكەرلەرگە ارنالعان مۇمكىندىكتەر الاڭىنا اينالماق.
